Matthew 3:10 - Hawaii Pidgin Bible

¹⁰ Awready get one guy wit one ax, all ready fo cut da tree roots. All da trees dat no make good fruit, he goin cut um, an throw um inside da fire.

Matthew 3:10 Iomraidhean Croise

2 Samuel 23:7

But whoeva touch one bush wit thorns Gotta dig wit one iron tool o da stick part a one spear. Den, gotta burn um all up, Right dea wea da bush wit thorns stay.”

Songs 1:3

Dat kine peopo, dey jalike da trees Dat peopo plant nea da watta ditch, An ery year da tree give fruits Da right time An da leafs no come all dry an fall down. Eryting dose peopo do, Come out good fo dem.

Songs 140:10

Make hot burning wood Fall down on top dea head. Throw um down inside da fire, O inside holes wit mud inside Wea dey no can get out.

Songs 92:12

Da peopo dat stay do wass right, Dey goin come up all ova da place Jalike da palm trees. Dey goin grow an come big Jalike da cedar trees Lebanon side.

Isaiah 27:11

Da Israel peopo, dey jalike small branches From da trees dat come dry an dey broke. Da wahines come pick um up fo make fire. Az cuz da Israel peopo, dey not da kine peopo Dat undastan stuff, Dass why God dat wen make dem No feel pity fo dem. He no like do notting fo dem.

Isaiah 61:3

Da One In Charge sen me fo help da peopo Mount Zion side Dat stay sad inside. He tell me fo give dem One nice haku lei fo put on top dea head, An take away da ashes. An make dem stay feel good inside wit perfume Fo dem no stay sad inside no moa. He sen me fo give um one nice robe fo wear Dat make erybody like tell, “Da One In Charge, da greates!” So dea spirit no feel jalike dey lose fight no moa. Dey goin show dat Da One In Charge make dem get um right wit him, Jalike dey strong oak trees dat Da One In Charge wen plant Fo show how awesome he stay.

Jeremiah 17:8

Dey goin be jalike da trees dat somebody plant nea da watta. Dea roots go to wea da watta go. Dat kine tree, no stay sked wen da hot time come. Da leaf stay green erytime. Even da years wen no mo rain, da tree no need worry. Dat kine tree erytime goin get fruits.”

Daniel 4:14

Da angel guy yell loud, “Cut down da tree! Chop off da branches! Pull off da leafs! Make da fruits go all ova da place! Make da animals run away from unda da tree! Make da birds fly off da branches!

Malakai 4:1

Dis wat Da One In Charge, Da God Ova All Da Armies tell: “You know wat I goin do? Fo all da peopo dat ack jalike dey mo betta den erybody, An fo all da peopo dat stay do bad kine stuff— Da time goin come, wen dose peopo goin come Jalike da lef ova junk kine stuff from da wheat Dat peopo burn up inside one hot burning oven! No goin get notting lef, Not even da roots, not even da branches!

Matthew 21:19

He spock one fig tree by da road. He go ova dea, an ony find leafs, no mo fruit notting. He tell um, “You no goin give fruit no moa!” Right den an dea da fig tree go dry up.

Matthew 7:19

All da trees dat no give good kine fruit, dey cut um down an throw um on top da fire.

Luke 23:31

Cuz if dey stay do dis kine stuff to one good guy like me, wat goin happen to da peopo dat not good?”

Luke 3:9

You guys gotta do good kine stuff! Cuz jalike awready get one guy wit one ax, all ready fo cut da tree roots. All da trees dat no make good fruit, he goin cut um down, an throw um inside da fire.”

John 15:2

All da peopo dat tell dey stay tight wit me, but dey no do notting, my Faddah take um off, jalike da grape farma guy take off all da branches dat no mo fruit. An all da peopo dat stay tight wit me, he take away da junk kine stuff from inside dem, jalike wen da grape farma guy trim da branches fo dem get plenny fruit.

John 15:6

Whoeva no stay tight wit me, dey jalike one branch dat no stay good. Dass da kine branch peopo throw out, an da branch dry up. Den dey go get all da odda dry branches, an throw um inside da fire fo burn.

Hebrews 12:25

Eh, you guys! Make shua you lissen God, da One stay talking. Da Israel peopo, dey neva like lissen Moses. He da guy hea inside da world dat wen tell dem wat God tell. But cuz dey neva lissen, God wen punish dem. Dat mean, us guys goin get it even moa, if we no lissen da One from da sky wen he stay talk to us!

Hebrews 6:8

But if dat groun grow ony da kine bushes wit stickas an junk kine stuff, dat land no good! Bumbye God tell, “Wipe um out an burn um up!”