Matthew 27:51 - Hawaii Pidgin Bible

⁵¹ Right den an dea da big curtain inside da temple broke in two from da top to da bottom. An da groun shake, an da rocks split,

Matthew 27:51 Iomraidhean Croise

2 Records 3:14

He make da curtain from da blue, purple, an red wool thread, an real fancy linen cloth. Get pichas a da tings dat stay alive an go ery place God go, dat dey embroida wit needle an thread.

Songs 18:15

Da One In Charge tell “Not good, wass happening!” Den he blow one real hard blas so can see da bottom a da ocean, An can see da foundation rock wea da earth stan.

Songs 18:7

Den da groun wen shake cuz a da earthquake, Undaneat da mountains da foundation stay shake! Da foundation wen move one side to da odda side, Cuz God come huhu!

Outa Egypt 40:21

Dey carry da Box inside da Tent, an put up da thick curtain fo no see da Box, fo make one room dat ony get da Box Fo No Foget Da Deal Wit God inside, jalike Da One In Charge wen tell Moses fo do.

Isaiah 25:7

An on top dis mountain too, Da One In Charge goin do dis Fo all da diffren peopos inside all da countries: He goin take away da sore dey get inside, An make um know wass fo real. Cuz still yet, jalike dey all get cova ova dea head, An Da One In Charge goin take away dat cova.

Prieses 16:2

Da One In Charge tell Moses dis: “Tell yoa braddah Aaron, he no can come weneva he like inside da Real Real Spesho Place behind da thick curtain in front da place on top da Box Fo No Foget Da Deal. Dass wea da pries guy sprinkle da blood from da sacrifice fo make da peopo come pono one mo time wit me, Da One In Charge. If he jus come inside cuz he like, he goin mahke. Az cuz I stay inside da cloud dat stay ova da place wea da pries guy sprinkle da blood.

Prieses 21:23

But cuz dey get someting wrong wit dem, dey no can go inside da room wit da thick curtain, an dey no can go nea da altar, cuz den dey make da place dat stay spesho fo me come pilau. Az me, Da One In Charge, dat make da pries guys stay spesho fo me.”

Habakkuk 3:10

Wen da mountains see you do dat, dey shake. Da rain storm make big watta go thru da gulches. Da deep ocean make big noise, An make da waves go real high.

Habakkuk 3:13

Dat time you wen come fo get yoa peopo outa trouble. You wen help da Israel nation dat you wen pick. You wen wack da leada fo da peopo dat do real bad kine stuff. Can see eryting From his head to his feets. (Time out fo da music.)

Census 4:5

Wen da peopo start fo move camp, Aaron an his boys goin go inside da Tent. Dey goin take down da inside curtain, an use da curtain fo cova da Box Fo No Foget Wat God Tell.

Matthew 27:54

So da captain fo da army guys an his guys dat guard Jesus, dey see da groun stay shaking. Dey see all da stuff dat happen. Az why dey come real sked, an tell, “Fo shua, dis was God Boy!”

Matthew 28:2

Right den an dea, da groun shake real hard all ova, cuz one angel messenja guy from Da One In Charge come down from inside da sky. Da angel guy push da big rock away from da open part, an sit down on top da rock.

Mark 15:38

Right den an dea da big curtain inside da Temple broke in two from da top to da bottom.

Luke 23:45

cuz da sun pau shine. Da big curtain inside da Temple broke in half.

Luke 23:47

Da captain fo da army guys see wat happen, an he tell good stuff bout God. He tell, “Fo shua, dis guy neva do notting wrong!”

Hebrews 6:19

Wen we trus God an we know he goin do good stuff fo us bumbye, dat make us stay strong an solid inside, jalike wen da boat anchor come stuck on da reef an den da boat no move. Wen we trus God lidat, den we goin come tight wit him. Dass jalike wen da Jew Main Pries Guy go inside da Real, Real Spesho Place wea God stay inside.

Hebrews 9:3

Den had one big thick curtain inside, an da odda side a dat curtain had anodda room. Dey call dat room “Da Real, Real Spesho Place Fo God.”

Jesus Show 11:13

Right den an dea da earth start fo shake real hard. An ten percent a da Big Town come wipe out, an seven tousan peopo mahke. Da res a da peopo was real sked, an dey tell dat God dat stay inside da sky, he awesome.

Jesus Show 11:19

Den God temple inside da sky come open fo see da Box Fo No Foget Da Deal dat get da Ten Main Rules inside. Den had lightning, an noise, an loud thunda. Da earth shake, an get big hail come down.