Matthew 27:2 - Hawaii Pidgin Bible

² Dey tie him up, take him away, an give him to Pilate, da Rome govna.

Matthew 27:2 Iomraidhean Croise

Start 22:9

Den dey come da place God tell Abraham fo go. Abraham pile up rocks ova dea fo burn up da sacrifice on top. He put da wood on top da altar. Den he go tie up his boy Isaac an put him on top da altar, on top da wood.

Matthew 20:19

Dey goin turn me ova to da guys dass not Jew guys. Dey goin make any kine to me, whip me, an den kill me on top one cross. Den day numba three afta I mahke, God goin make me come back alive.”

Matthew 28:14

If da govna hear bout dis ting, us guys goin back you up, so you guys no need worry.”

Luke 13:1

Dat time some peopo stay dea, an dey tell Jesus bout da peopo from Galilee dat Pilate army guys wen kill, same time dose peopo stay make one sacrifice inside da Temple.

Luke 20:20

So dey look fo da right time fo do um. Dey sen some secret guys fo watch him. Dem guys wen ack jalike dey good guys. Dey like trick Jesus wit wat he tell, fo dem bus him an turn him ova to da leada guys an to da govna, da one dat get da powa.

Luke 23:1

Den all da peopo dat wen come togedda take Jesus away fo go in front Pilate, da govna.

Luke 23:12

Dass how Herod an Pilate wen come frenz. Befo dat time dey stay agains each odda.

Luke 3:1

Afta da Big King Tiberius was king fo Rome fifteen year, get Pontius Pilate da territorial govna from Rome fo Judea, Herod da small kine king inside Galilee, Herod braddah Philip da small kine king inside Iturea an Trakonitis, Lysanias da small kine king inside Abilene,

John 18:12

Den da captain, da army guys, an da police guys from da Jews take Jesus an tie him up.

John 18:24

Den Annas sen Jesus, all tie up, to da Main Pries Guy, Kaiafas.

John 18:28

Den da guys dat work fo da Main Pries Guy take Jesus away from Kaiafas place to da Rome army headquarters. Was early morning time. But dey neva go inside da Rome guys place, cuz if dey do dat, bumbye dey no can eat da spesho food fo da Passova ceremony, cuz dat make um jalike dey pilau.

Jesus Guys 12:6

Da nite befo Herod plan fo bring Peter in front da judge, Peter stay sleeping. He stay tie up wit two chains, one wit da guard guy on da lef side an da odda wit da guard guy on da right side. Da odda guards stan outside da door.

Jesus Guys 21:33

Da main captain come an bus Paul, an tell his guys fo tie um up wit two chain. Den he aks, “Who dis guy? Wat he wen do?”

Jesus Guys 22:25

Wen dey stretch him out fo whip him real hard, Paul tell da captain dat stay dea, “Dis okay in da rules fo da Rome peopo? Fo you whip one guy dat get da same rights jalike da Rome peopo? Even one guy dat neva do notting wrong?”

Jesus Guys 22:29

Right den an dea da guys dat start fo make him talk go outside. Da main captain, he come sked wen he find out dat he wen tie up Paul wit chains, an Paul one guy dat get da same rights jalike one Rome guy.

Jesus Guys 24:27

Two year layta, Porcius Festus take Felix place, but Felix like do someting fo da Jew guys, so he leave Paul inside prison.

Jesus Guys 28:20

So I tell dese guys, ‘I like talk to you guys. I stay shua dat God goin take da Israel peopo outa da bad kine stuff dey stay in. Dass why dey tie me up wit dis chain.’ ”

Jesus Guys 3:13

Da same God dat Abraham, Isaac, an Jacob wen pray to, he da same God dat all oua ancesta guys pray to. He da One make dis guy come good. He da One make Jesus, his helpa guy, come awesome to da max. You guys wen turn ova Jesus fo dem kill um. No matta Pilate like let him go, but den you guys wen tell in front Pilate dat Jesus not da one you guys pick.

Jesus Guys 4:27

“An dass wat wen happen! Had King Herod an da govna Pontius Pilate, an da peopo dass not Jew guys, an da Israel peopo. Dey all come togedda inside dis town fo make one plan how dey goin kill Jesus. He yoa Good An Spesho Worka Guy, da One You Wen Sen.

Jesus Guys 9:2

an tell um fo write lettas to da Jew churches Damascus side, fo find some guys o wahines ova dea dat stick wit da message bout Jesus, fo put dem inside da prison Jerusalem side.

1 Timoty 6:13

I stay give you dis kuleana in front God an Jesus Christ. God da One dat make eryting dat live stay alive. An Jesus Christ da one wen tell da trut real good bout who him in front da govna, Pontius Pilate.

2 Timoty 2:9

Wen I tell peopo dis, dey make me suffa. Sometimes dey even tie me up wit chains jalike I one crook. But you know wat? No can tie up da stuff God tell wit one chain!

Hebrews 13:3

Tink plenny bout da prisona guys, an make jalike you wen stay dea wit dem. An tink plenny bout da peopo dat oddas make any kine to, jalike you guys suffa jalike dem.

Local Leadas 15:12

Dey tell um, “We come fo tie you up, an give you to da Filisha guys.” Samson tell dem, “Make one strong promise to me, dat you no goin attack me.”