Matthew 26:52 - Hawaii Pidgin Bible

⁵² Jesus tell him, “Put away yoa sword. Erybody dat use his sword fo beef goin mahke from da sword.

Matthew 26:52 Iomraidhean Croise

Start 9:6

“Whoeva go make somebody bleed an mahke, Somebody gotta make dem bleed an mahke too. Cuz God wen make da peopo Jalike dey one picha, Fo look jalike him, same same.

Songs 55:23

But God, you goin throw down Da bad kine peopo Inside da deep hole fo mahke. Da kine guys dat like make peopo Bleed an mahke, An dat like bulai peopo, Dey goin live ony half dea life. But me, I stay trus you!

Outa Egypt 21:12

Anybody wack one guy, an da guy mahke, da one dat kill um gotta mahke too.

Matthew 5:39

But eh! I stay tell you guys dis: No fight back da bad guys. If anybody slap yoa head one side, mo betta let um slap da odda side too.

Rome 12:19

You my good frenz, so no go afta somebody fo pay um back wen he hurt you. Mo betta you wait, an let God take kea him, cuz God tell “Laytas” to wat dat kine peopo do. Da One In Charge wen tell dis befo time inside da Bible: “I da One dat pay back da peopo Fo do bad kine stuff.” Dass wat Da One In Charge tell.

1 Tessalonika 5:15

Make shua nobody go do bad kine stuff to anodda guy fo pay um back fo da bad kine stuff he wen do. But try erytime fo do good kine stuff to each odda, an to all da odda guys too.

1 Peter 3:9

If somebody do bad kine tings to you, no do bad kine tings back. If somebody talk any kine to you, no talk back any kine. But aks God fo do good kine stuff fo da guy. Dass why God wen tell you guys fo come be his guys fo him do good kine stuff fo you guys.

Jesus Show 13:10

Whoeva suppose to go prison, Dey goin go prison! Whoeva suppose to get kill wit sword, Dey goin get kill wit sword!” So dass why, God spesho peopo, dey gotta hang in dea an lissen God an trus him!

Jesus Show 16:6

Cuz dey wen kill da guys dat talk fo you, An yoa odda spesho peopo. Dey make yoa peopo bleed an mahke. Az why you give dose peopo dat stay agains you Blood fo dem drink too, Cuz az wat dey get cuz dey kill yoa peopo.”