Matthew 26:41 - Hawaii Pidgin Bible

⁴¹ Watch out an go aks God fo help you fo no do bad kine stuff wen you get chance fo do um. I know you guys like do da right ting, but no can, cuz you not strong inside.”

Matthew 26:41 Iomraidhean Croise

Songs 119:1

Da kine peopo Dat nobody can poin finga dem An dat no go da wrong way, Cuz dey follow da Rules From Da One In Charge, Dose peopo can stay good inside!

Songs 119:115

All you peopo dat stay do bad kine stuff, Get away from me! Cuz I goin do da tings Dat my God tell me I gotta do.

Songs 119:117

Help me fo stan up, Fo me get outa trouble. Let me tink ova an ova Bout da tings you tell I suppose to do.

Songs 119:32

Weneva you tell me fo do someting, I goin run fo go do um, Cuz you help me fo undastan stuff Mo betta erytime!

Matthew 24:42

“So, watch out! Cuz you guys donno wat time yoa Boss goin come back.

Matthew 25:13

Den Jesus tell, “Eh! Az why I stay tell you guys, watch an stay ready! Cuz you donno da day o da time, wen me, da Guy Dass Fo Real, goin come back!”

Matthew 26:38

He tell um, “Eh, you know, I stay real sad inside, jalike I goin mahke. Try no sleep—stay ova hea wit me.”

Matthew 6:13

Show us guys how fo no do bad kine stuff Wen somebody give us chance fo do um, But get us outa trouble from da Bad Guy. [Cuz you oua King, You get da real powa, An you stay awesome foeva. Dass it!]’ ”

Mark 14:38

Hang in dea an tell God fo help you fo no go do bad kine stuff wen you get chance fo do um. Inside, you guys like do da right ting, but you guys no can do um, cuz you guys no stay strong inside.”

Luke 11:4

Let us go, an hemo oua shame Fo all da bad kine stuff we do to you, Jalike us guys let da odda guy go, An us no stay huhu wit dem Fo da bad kine stuff dey do to us. Show us how fo no do bad kine stuff Wen somebody give us chance fo do um.’ ”

Luke 21:36

Watch out all da time, an stay ready. Tell God fo let you get outa all da stuff dat goin happen, an fo let you stan in front me, da Fo Real Kine Guy.”

Luke 22:40

Wen dey come dea, he tell um, “Go aks God fo help you guys fo no do bad kine stuff wen get chance.”

Luke 22:46

He tell dem, “How come you guys stay sleeping? Get up an tell God fo help you guys no do bad kine stuff wen get chance.”

Luke 8:13

Da seeds on top da rocks, dass da peopo dat take wat God tell, an dey stay good inside wen dey hear um. Dey trus God litto bit, but wen get hard time dey pau trus, cuz dey no mo deep root, jalike da seeds on top da rocks.

Rome 8:3

Maybe us guys try do wat da Rules from God tell us fo do. Sad! Us no stay strong enuff inside fo do dat cuz dass how us guys stay. Den God, he sen his Boy dat get one body jalike one regula guy dat can do bad kine stuff, but his Boy no do bad kine stuff notting! God sen um fo face da bad kine stuff peopo do. How Jesus ack, he neva do bad kine stuff. He show proof dat da tings da peopo stay do was bad fo shua. An he come one sacrifice fo hemo da shame fo da bad kine stuff peopo stay do.

1 Corint 10:13

Wen you guys get chance fo do da bad kine stuff, dass da same ting, jalike wat happen to all da odda peopo. But you know, you guys can trus God fo do wat he tell he goin do. He no goin let you guys get mo plenny presha den you guys can handle. Erytime get presha lidat, God goin make um fo you guys get outa dat. He goin make you guys strong fo handle da presha fo you no fall down.

1 Corint 16:13

Eh! Watch out! Stay solid an trus God! No sked! Stay strong!

1 Corint 9:27

Jalike I make my body tough an work um hard. No good, if I tell all da odda peopo bout God, an den I jam up an God gotta throw me outa da race.

Galatia 5:24

Erybody dat stay Jesus Christ guys, dey no goin do all kine bad kine stuff dea body tell um fo do cuz dass how dey stay. Jalike dey wen put all dat kine stuff on top da cross wit Jesus Christ. Den dat stuff no goin get powa ova dem no moa.

Efesus 6:18

Fo stan strong erytime, pray an stay tight wit God Spirit. Pray bout eryting, an tell God fo help you. Make shua you guys watch out, an hang in dea an pray fo all da peopo dat stay spesho fo God.

1 Peter 4:7

Da time wen eryting goin come pau goin come pretty soon. So you guys, use yoa head, an watch out how you ack, fo you pray good.

1 Peter 5:8

Use yoa head fo know wat fo do erytime! Watch out! Da Devil stay agains you. Dass why he stay go all ova da place jalike one wild lion, looking fo somebody fo him eat up.

2 Peter 2:9

All dis stuff show dat Da One In Charge know how fo get peopo outa trouble wen dey lissen him. Same time, he know how fo make da peopo suffa dat no like do wass right, till dey gotta stan in front God da Judge.

Jesus Show 16:15

Da One In Charge tell, “Look! I goin come jalike one steala guy dat nobody tink he goin come! Whoeva stay awake, an get dea clotheses wit dem, dey no goin come shame cuz dey naked. Dey goin stay good inside.”

Jesus Show 3:10

You guys wen do wat I tell you fo do, an hang in dea an no give up. Az why I goin take kea you guys wen da big presha come, da kine presha dass goin come on top da whole world fo check out erybody dat stay down hea.’