Matthew 26:21 - Hawaii Pidgin Bible

²¹ Wen dey stay eating, he tell, “I tell you guys fo shua, one a you guys goin set me up.”

Matthew 26:21 Iomraidhean Croise

Matthew 26:2

“You guys know awready—get ony two days till da Passova time. I da Fo Real Kine Guy, but wen da Passova time come, da leada guys goin set me up fo kill me on top one cross.”

Matthew 26:22

Dey come real sad, an one by one dey tell um, “Eh Boss! Fo shua, dass not me, aah?”

John 13:18

“I no talk bout all you guys. I know da guys I wen pick. But gotta happen jalike da Bible tell from befo time, ‘One guy dat eat wit me go agains me.’

John 13:21

Afta Jesus tell dat, he come all funny kine inside. He tell da guys he teaching, “Dis fo shua wat I tell you guys: One a you guys goin set me up fo mahke.”

John 13:22

His guys look at each odda, an dey no can figga who da guy he talking bout.

Hebrews 4:13

Eryting God wen make, he can see um. No mo notting he wen make can hide fo him no see um. Cuz eryting stay open fo him know bout um. An God, he da One we gotta tell how come us do da tings we wen do.

Jesus Show 2:23

Fo shua, I goin kill erybody dat make jalike her. Den all da church peopo goin know dat I da One dat look inside da heart an da head an know wat erybody stay like, an wat dey tink, an I goin pay erybody fo wat dey do, good o bad.