Matthew 24:31 - Hawaii Pidgin Bible

³¹ Da trumpet goin make big noise, an I goin sen my angel messenja guys fo bring togedda all da peopo dat God wen pick from all ova da world, ery place dat get undaneat da sky.

Matthew 24:31 Iomraidhean Croise

Songs 22:27

I like fo da peopo all ova da world, tink plenny bout you An tell dat you, Da One In Charge, da God fo dem, An come back fo be yoa peopo. I like fo da diffren ohanas from all da nations Go down in front you fo show respeck.

Songs 67:7

I like fo God stay do good tings fo us. In da mos far parts a da world, I like fo peopo feel sked an shaking Wen dey in front him!

Songs 81:3

Wen da month start, da new moon time, Blow da sheep horn trumpets! Same ting Fo oua spesho religious kine ceremony Wen da moon come full!

Outa Egypt 19:16

Morning time, da day numba three, get thunda an lightning, an one heavy cloud ova da mountain top. Had one loud noise jalike from one sheep horn trumpet. All da peopo inside da camp, dey stay sked an shaking!

Isaiah 11:12

He goin hold up one flag so all da peopos know wea fo come. He goin bring togedda all da peopo Dat da odda kings wen throw outa da Israel land, An da Judah guys from far place all ova da world.

Isaiah 13:5

His army guys all stay come from one far place, From unda da mos far part a da sky. Az Da One In Charge stay coming wit dem, An he goin use dat army Fo punish da peopo he stay huhu wit. Da One In Charge goin wipe out da whole land!

Isaiah 27:13

Dat time, one big sheep horn trumpet goin blow. Da Israel peopo dat stay go all ova da place inside Assyria An da ones dey wen make go Egypt side, Dey all goin go God spesho hill inside Jerusalem town, An go down in front Da One In Charge Fo show love an respeck fo him ova dea.

Isaiah 42:10

Sing one new song fo Da One In Charge! Sing from da mos far places inside da world Fo tell dat he da greates! Sing, you peopo dat go work on da ocean An eryting dat live inside da ocean, you sing too! Sing, you islans, An da peopo dat live on top um!

Isaiah 43:6

I goin tell da peopo from da north side, ‘Let my peopo come!’ An I goin tell da peopo from da south side, ‘No hold dem back!’ Bring all my boys from far places, An my girls from da mos far place inside da world.

Isaiah 45:22

“All you peopo from da mos far places all ova da world, Turn aroun an come by me Fo me get you guys outa trouble, Cuz I God. No mo anodda god, ony me.

Isaiah 49:18

Look aroun you! All yoa guys stay come back togedda Fo come by you. An jalike I shua dat I alive, I shua dose guys goin come back An make Jerusalem town look good, Jalike wen one lady put on her jewels Wen she go get married!” Dass da ting Da One In Charge tell.

Isaiah 60:4

“Look up! Look all aroun you guys. See all da peopo come togedda an come by you guys. Yoa boys come from far away. Peopo bring back yoa girls too.

Daniel 7:2

Daniel tell: “Nite time, inside my dream, I see da ocean come real rough cuz get da winds from four side make da ocean all rough.

Zekariah 14:5

You guys goin run away thru my mountain valley cuz goin go all da way to Azel town. Yeah, you guys goin run away, jalike yoa ancesta guys wen run away da time get da earthquake wen Uzziah stay king inside Judah. Den my God, Da One In Charge, goin come wit all da ones dat stay spesho fo him.

Zekariah 2:6

Da One In Charge tell, “Bummahs! Run! Run away from da Babylon land, dat stay come from da north road! Cuz I wen make you guys scatta all ova da place, jalike da four winds!

Zekariah 6:5

Da angel tell me, “Dese, da four spirits from da sky. Dey stay go out afta dey wen stan in front da Boss Fo Da Whole World.

Zekariah 9:10

He goin take away da war wagons from da Efraim peopo, An da war horses from Jerusalem. He goin broke da bow dey use fo fight. He goin tell da peopos dey gotta come good wit each odda. He goin be da leada from one sea to da odda sea, An from da Eufrates riva to da end a da world.

Zekariah 9:14

Den Da One In Charge goin show up ova his peopo. His arrow goin go out jalike lightning. Da Boss, Da One In Charge, Goin blow da sheep horn trumpet. He goin attack jalike he stay riding On top da storms from da south side.

Matthew 13:41

I da Fo Real Kine Guy, you know, an I goin sen my angel guys all ova da place wea I stay King, fo pull out all da guys dat broke da Rules From God an dat tell da odda guys fo broke da Rules too.

Matthew 24:22

But God goin make dat time mo short fo peopo come out okay. He like help da peopo he wen pick, dass why he goin make dat suffa plenny time mo short.

Matthew 24:24

Goin get plenny fake kine guys dat tell dey Christ, an goin get plenny fake kine guys dat tell dey talk fo God. Dey goin do unreal an awesome stuff fo try show proof dat dey fo real, an dey goin even try bulai da peopo dat God wen pick.

Matthew 24:32

“Eh you guys, try learn someting from da fig tree. Wen da fig tree make one new branch an get one new leaf, you guys goin know dat summa time stay come.

Matthew 25:31

Jesus tell um, “You know, I da Fo Real Kine Guy. Wen I come back, I goin be awesome. All da angel guys goin come wit me. Den I goin sit down on top my awesome throne.

Matthew 28:18

Den Jesus go nea dem an tell, “God give me all da powa fo me stay in charge a eryting all ova da world an inside da sky.

Mark 13:27

Den I goin sen my angel messenja guys fo bring togedda all da peopo God wen pick from all ova da world, ery place dat get unda da sky.

Luke 24:47

Afta dat, his guys goin teach all da diffren peopos inside da whole world bout da Christ Guy, da Spesho Guy God Wen Sen. Dey goin tell da peopos dey gotta come sorry fo all da bad kine stuff dey stay do, an no do um no moa. So den, God goin let go da peopos an hemo dea shame fo all da bad kine stuff dey wen do. His guys goin go teach lidat cuz dey his guys an dey get his powa, an dey goin start Jerusalem side.’

John 11:52

An he no goin mahke ony fo da Jew guys, but fo all God kids dat stay all ova da world, fo bring dem all togedda fo come one peopo.

Rome 10:18

Wat you tink? You guys tink da Israel peopo neva hear notting, o wat? Fo shua dey wen hear someting! Jalike da Bible tell befo time: “All ova da world, get peopo dat wen hear da Good Kine Stuff. Da tings dey tell, go all ova da world fo peopo hear.”

1 Corint 15:52

Dis goin happen real fas, mo fas den can blink yoa eye. Goin happen bumbye wen time fo blow da las trumpet. Goin get da noise from da trumpet. Right den, da mahke guys goin come back alive. No way dey goin mahke an come rotten one mo time! Same ting wit us guys, us all goin come diffren.

Efesus 1:10

God make dis plan fo do all dat wen da right time come. Dis da plan: God goin bring togedda eryting he make, an his Spesho Guy Christ goin be in charge. Dat mean Christ goin be in charge a eryting inside da sky an inside da world!

Rules Secon Time 30:4

Even if God make you guys go one mo far place unda da sky, from dea yoa God, Da One In Charge, goin bring you guys back togedda from ova dea.

Rules Secon Time 4:32

“Go aks now bout wat wen happen long time befo time wen eryting wen start, da time God wen make peopo on top da earth. Go aks from one side a da sky to da odda side. No mo notting dat awesome eva happen befo! No mo notting dat awesome eva happen dat anybody wen hear bout!

1 Tessalonika 4:16

Cuz God goin give da orda fo wat erybody gotta do. Da main angel guy goin call um out, an somebody goin blow God trumpet. An Jesus, Da One In Charge, goin come down from da sky! Den da mahke guys dat wen stay tight wit Christ, dey goin come alive one mo time!

2 Tessalonika 2:1

Eh my braddahs an sistahs, you guys know dat Da One In Charge a us guys, Jesus, God Spesho Guy, he goin come back bumbye. Den we all goin go wea he stay, an be wit him ova dea. Cuz a dat, I beg you guys,

Hebrews 12:19

But you guys, you neva hear da trumpet noise, o da awesome voice, jalike da Israel peopo wen hear um. Dat time dey beg Moses, “Bummahs! Us no like hear dat voice no moa!”

Jesus Show 1:20

Da seven stars you see inside my right hand, an da seven gold stans fo put da lamps on top, dass one secret dat I goin tell you now. Da seven stars, dey da seven messenja guys fo da seven churches. An da seven gold stans fo put da lamps on top, dey da peopo inside da seven churches.”

Jesus Show 11:15

Den da numba seven angel guy blow his trumpet. Had real loud voices come from da sky. Dey tell, “Now da time! God an his Spesho Guy Christ get da powa Fo take ova an be King ova all da peopos inside da world. Dey goin lead da peopo foeva an eva!”

Jesus Show 7:1

Afta dat, jalike one dream, I see four angel guys stan by da four cornas a da earth. Dey stay hold back da four winds so dey no can blow on top da land o da ocean o on any tree.

Jesus Show 8:2

Den I see da seven angel guys dat stan in front God all da time, an he give um seven trumpet.