Matthew 24:27 - Hawaii Pidgin Bible

²⁷ I da Guy Dass fo Real, an wen I come back, goin be jalike wen da lightning come from da east side an shine all ova to da west side.

Matthew 24:27 Iomraidhean Croise

Job 37:3

He let go his lightning all ova unda da sky. He sen um to da mos far places all ova da world.

Job 38:35

You tink you can sen da lightnings wea you like um fo go, An dey go dea? Da lightnings, dey tell you, ‘Us ready fo go!’ o wat?

Isaiah 30:30

Da One In Charge Goin make peopo hear his awesome voice, An show his strong arm come down Wit plenny powa. Cuz he stay huhu, Jalike da fire dat stay burn up eryting, An da strong wind, rain, An hail dat fall down From da sky jalike rocks.

Ezekiel 1:14

Da four tings dat stay alive an go ery place God go, dey go back an forth so fas, look jalike lightning.

Zekariah 9:14

Den Da One In Charge goin show up ova his peopo. His arrow goin go out jalike lightning. Da Boss, Da One In Charge, Goin blow da sheep horn trumpet. He goin attack jalike he stay riding On top da storms from da south side.

Malakai 3:2

“Da messenja guy goin come, An you figga you can handle wen he come?! No way! He goin show up, An you tink you can face him An no run away? Not even! Cuz him, he real strong, Jalike da real hot fire dat da peopo use Fo take da junk stuff outa da silva, An jalike da wash soap Da peopo use fo make da clotheses come real clean.

Malakai 4:5

“An one mo ting I goin do, I goin sen Elijah to you guys, Da guy dat wen talk fo me befo time. He goin show up befo I come back. An dat time goin be awesome an unreal!

Matthew 16:27

I da Fo Real Kine Guy. I goin come back wit God angel messenja guys from da sky. Goin be awesome, cuz my Faddah, he awesome. Den I goin pay erybody fo wat dey wen do, good kine o bad kine.

Matthew 16:28

Dass right! An I like tell you guys dis too: I da Guy Dass fo Real, an get some peopo stay stan ova hea, dat no goin mahke till dey see me come King.”

Matthew 24:26

If some guys tell, ‘Eh! Christ stay inside da boonies!’ no go ova dea. If dey tell, ‘Eh! He stay inside dat house ova dea!’ no trus um notting.

Matthew 24:3

Den bumbye, Jesus go da Olive Ridge an sit down ova dea. Wen no mo odda guys dea, his guys go by him. Dey tell him, “Wat time all dat kine stuff goin happen? An wat kine ting goin happen fo show us wen you goin come back ova hea, an wen da world goin come pau?”

Matthew 24:37

“I da Fo Real Kine Guy. Wen I come back, eryting goin be jalike befo time wen da guy Noah live.

Matthew 24:39

Da odda peopo, dey neva know wat was goin happen, till da big watta come an wipe um out. You know, I da Fo Real Kine Guy, an wen I come back, goin be same ting lidat.

Matthew 24:44

Az why you guys betta be ready, cuz I da Fo Real Kine Guy. Da time you guys figga I no goin come, dass wen I goin come.

Matthew 8:20

Jesus tell him, “Da foxes get hole fo house, an da birds in da sky get nes. But me, da Fo Real Kine Guy, I no mo house fo lay down.”

James 5:8

You guys, same ting. Hang in dea! Stay strong inside! Almos time fo Jesus Da One In Charge fo come back.

2 Peter 3:4

Dey goin tell, “Eh! Fo real, Jesus wen promise you guys he goin come back, o wat? Den wea he stay? Oua ancesta guys, dey mahke long time awready, an still yet, eryting stay da same from wen God wen make da world!”