Matthew 24:21 - Hawaii Pidgin Bible

²¹ Cuz dat time erybody goin suffa to da max. Neva have notting lidat eva happen befo time, not even from wen God make da world till now, an no goin get notting lidat eva goin happen one mo time.

Matthew 24:21 Iomraidhean Croise

Ezekiel 5:9

Cuz a all yoa pilau idol kine gods, I goin give you guys lickins! I neva do dat befo, an I no goin do um one mo time.

Daniel 12:1

Da angel messenja guy tell me dis: “Dat time, Michael, da importan angel prince, da one dat take kea yoa peopo, he goin go by you guys fo take kea you. Goin get one time yoa peopo all presha out, mo den da time yoa peopo wen come one nation firs time, till dat time. But dass da time wen yoa peopo, da ones dat get dea name inside God book, goin get outa trouble.

Daniel 9:26

“Afta da sixty-two times seven year, somebody goin kill da one dat God wen pick. He no goin get nobody his side. Goin get one leada dat goin come wit his army. Dey goin wipe out Jerusalem town an da Temple dat stay spesho fo God. Den da end goin come quick, jalike wen one flood come. Goin get war till da end, an erybody goin bag an eryting goin come wipe out.

Joel 1:2

Lissen dis, you older peopo! Lissen good, erybody dat live inside oua land! No mo notting lidis eva happen befo time wen you guys stay alive, aah? O wen yoa ancesta guys stay alive.

Joel 2:2

Goin be one dark an sad time. Goin get plenny black clouds. One big an strong army goin come, Jalike wen da light spread out morning time ova da mountains. No mo nobody eva see dat kine befo time, An not goin happen one mo time, Fo all da years an generations.

Malakai 4:1

Dis wat Da One In Charge, Da God Ova All Da Armies tell: “You know wat I goin do? Fo all da peopo dat ack jalike dey mo betta den erybody, An fo all da peopo dat stay do bad kine stuff— Da time goin come, wen dose peopo goin come Jalike da lef ova junk kine stuff from da wheat Dat peopo burn up inside one hot burning oven! No goin get notting lef, Not even da roots, not even da branches!

Matthew 24:20

“Try aks God fo no let dis stuff happen winta time o on da Res Day.

Matthew 24:29

“Right afta dat time fo suffa plenny, dis wat goin happen: “ ‘Da sun goin come black. Da moon no goin shine. Da stars goin fall down from da sky. An all da spirits inside da sky dat get plenny powa, Dey goin come all hamajang.’

Mark 13:9

“Watch out! Dey goin bring you guys in front dea leadas. Dey goin punish you guys wit whips inside da Jew churches. You guys goin stan in front da govnas an kings, cuz you my guys. An you goin tell um bout me.

Luke 21:24

Peopo goin kill some wit swords, an take oddas away. Peopo all ova da world goin make um prisonas. Da peopos dass not Jew guys goin bus up Jerusalem an walk all ova um, till dea time pau.

1 Tessalonika 2:16

Dey even wen try fo stop us guys fo us no tell da Good Stuff bout God to da peopo dass not Jew guys. Cuz da Jew guys no like nobody fo trus Christ. Dass how dey erytime go all out fo do bad kine stuff. An now God, he tell “Laytas” to dem cuz a wat dey stay do!

Jesus Show 16:18

Den get big lightning, plenny noise, big thunda, an da earth stay shake real hard—neva had dat kine big shaking befo, wen peopo stay on top da earth, till now.

Jesus Show 7:14

I tell him, “Mista, I donno. But you know!” He tell, “Dis all da peopo dat come out from da big trouble. Da Bebe Sheep Guy, he make um clean inside, cuz he wen bleed an mahke fo dem. Dey all clean inside, jalike wen peopo wash dea clotheses clean, an make um come white.