Matthew 24:16 - Hawaii Pidgin Bible

¹⁶ You know, wen you guys see dat happen, if you stay Judea side, go run to da mountains.

Matthew 24:16 Iomraidhean Croise

Smart Guys 22:3

Da akamai kine peopo see Someting bad goin happen, An dey go hide. But da peopo dat donno notting An easy fo bulai dem, Dey keep going, An bumbye, dey pay da price.

Jeremiah 44:29

Da One In Charge tell: “All dis goin be jalike one sign fo show you guys dat I goin punish you guys inside dis place. Dass how you guys goin know, all dat I tell bout da bad kine stuff, I goin make happen to you guys.”

Jeremiah 6:1

“Quick! You Benjamin ohana peopo, run, go hide! Run away from inside Jerusalem! Blow da sheep horn trumpet inside Tekoa town! Light da signal fire ova Bet-Hakkerem town! Cuz get bad kine guys stay come from da north side Fo come bus us up an wipe us out!

Matthew 2:1

Jesus, he born Betlehem town, Judea side. Herod, he da king dat time. An you know wat? Had dese smart guys dat know plenny bout da stars. Dey come Jerusalem town from one far place, from da east side. Dey tell,

Matthew 24:15

“Daniel, da guy dat wen talk fo God befo time, he wen tell dat someting God hate plenny goin happen. Dat ting so horraz, goin make eryting come hamajang an make erybody bag from dea. Da ting goin stan inside da place dat stay spesho fo God. (Whoeva read dis, dey gotta watch out!)

Matthew 24:17

If you stay on top one house dat get flat roof, no go inside fo take yoa stuffs wit you.

Hebrews 11:7

Noah, he wen trus God. Az why God tell um, “Watch out! Bad stuff goin happen, da kine stuff dat nobody eva see yet!” Noah wen get plenny respeck fo God. Dass why he make one big boat fo take his ohana guys outa da big flood. He trus God, an dat show dat da odda peopo inside da world do bad kine stuff. But Noah, he wen get um right wit God cuz he trus God.