Matthew 22:4 - Hawaii Pidgin Bible

⁴ “So den he sen some mo odda worka guys. He tell um, ‘Tell all da peopo I wen tell fo come, “Time awready! I wen kill da cows an da bestes kine bebe cows. I make all da food ready. Try come!” ’

Matthew 22:4 Iomraidhean Croise

Nehemiah 9:17

“Dey tell, ‘No way us guys goin lissen wat God tell!’ Dey no even tink bout da awesome kine tings you do Right dea in front dem. Dey even come mo hard head fo go agains you, An pick one leada guy fo bring dem back Egypt side Fo come slave guys one mo time. “But you, you one God dat no bodda you Fo let da peopo go Fo da bad kine tings dey do. You get one big heart fo do good tings fo peopo. You get pity fo peopo. You take long time befo you get huhu. You erytime stay tight wit yoa peopo. Dass why you neva leave yoa peopo dat time,

Songs 86:5

You my Boss, an you get one good heart. You stay ready erytime fo let me go Fo da bad tings I wen do, You stay tight wit yoa peopo all da time, Wit da ones dat stay yell Fo you help um.

Smart Guys 15:17

Az mo betta you ony get litto bit vejable fo eat, An da place get plenny love an aloha, Den if you get one big luau wit plenny meat, An erybody hate each odda!

Love Song 5:1

Eh sistah! I stay come inside my garden, My bride, da one I love. I bring my myrrh, an my balsam spice too. I eat my honeycomb, an my honey too. I drink my wine, an my milk too. Eh ma frenz! Eat an drink! You guys dat love each odda, drink plenny, Till you come full.

Matthew 21:36

Da boss sen plenny mo worka guys, mo den befo, an da farma guys do da same ting to dem, jalike dey do to da odda worka guys.

Matthew 22:5

“But da peopo he wen tell fo come, dey no kea, an dey go way from da guy. Some guys go back dea farms, an odda guys go back dea stores fo do dea biznis.

Matthew 22:8

Da king tell his odda worka guys, ‘You know, da luau fo my boy stay ready now, but da guys I wen tell fo come, dey not good enuff.

Luke 14:17

Bumbye he sen his worka guy fo tell da peopo, ‘Go come! Eryting stay ready!’

Jesus Guys 1:8

But you guys goin get spesho kine powa wen da Good An Spesho Spirit take charge a you. An den you guys goin tell da peopo in Jerusalem wat you know bout me, an same ting fo da peopo all ova Judea, Samaria, an all ova da world.”

Jesus Guys 13:46

But Paul an Barnabas, dey no sked. Dey tell, “Firs, us gotta tell you Jew guys wat God tell. But cuz you guys no lissen, dat show you figga you not good enuff fo get da real kine life dat goin stay to da max foeva! Az why now us guys goin go by da peopo dass not Jew guys.

Rome 8:32

God neva even hold back his Boy. He wen make um come one sacrifice fo help all us guys. God wen give his Boy fo mahke fo us. Dat mean God no hold back notting. He give us ery good ting to da max!