Matthew 22:11 - Hawaii Pidgin Bible

¹¹ “Da king go inside fo look da peopo dat wen come ova dea, an he spock one guy dat no mo wedding kine clotheses.

Matthew 22:11 Iomraidhean Croise

2 Kings 10:22

Den Jehu tell da guy dat stay in charge a da spesho clotheses fo bring robes fo all da guys dat work fo Baal. So dey bring out robes fo all a dem.

Isaiah 52:1

Wake up! Wake up, you Jerusalem peopo! Come strong, An put on yoa fancy kine clotheses! Cuz yoa town, da one God make spesho fo him! Da guys dat no mo cut skin mark Fo show dey God peopo, An da ones dat do stuff dat make um So dey no can pray, Dey no goin go inside Jerusalem one mo time.

Isaiah 64:6

All us guys wen come Jalike somebody dat do pilau kine stuff An no can come in front you, Da One In Charge, cuz a dat. All da tings we do fo show we stay do da right ting, Jalike pilau an dirty kine rags. We all lose fight, jalike one dry up leaf. An da bad kine stuff we do, wipe us out Jalike wen da wind blow away da leaf.

Sad Song 5:22

Bring us back, no matta you wen tink us guys no good, An you wen stay real huhu wit us guys.

Zefaniah 1:12

Dat time I goin use small olive oil lamps Fo look all ova Jerusalem town, An punish da peopo dat no kea wat God tink. Dey jalike da wine dat jus sit wit da junk kine stuff inside. Dey figga, ‘Da One In Charge no goin do notting to us guys, Good o bad!’

Matthew 13:30

Let um grow togedda till dey stay ready. Den pull out da weeds firs, an tie um togedda fo burn. Den harves da wheat, an put um inside da storage place.’ ”

Matthew 22:10

So da worka guys go check out all da roads, an bring all da guys dey find ova dea fo da luau. Had choke plenny peopo, da good kine guys, an da bad kine guys too.

Matthew 3:12

Jalike he goin throw all da wheat fo let da wind blow all da no good parts from da wheat, an den he goin put dat wheat inside da storage place. Afta dat, he goin burn all da no good parts inside da fire dat no goin pio eva.”

Rome 13:14

But you know wat? Mo betta you change inside an come jalike Da One In Charge a us guys, dass Jesus Christ, da Spesho Guy God Wen Sen! An no even tink fo do wat da bad kine stuff inside you tell you fo do!

Rome 3:22

God wen make us come right wit him wen we go trus Jesus Christ, da Spesho Guy God Wen Sen. He do dat fo erybody dat trus him, no matta who you.

1 Corint 4:5

So, no make jalike you guys da judge fo odda peopo. Wait till Da One In Charge come back. He da One goin bring out in da light all da bad kine stuff da peopo try hide in da dark. He goin show all da tings dat dey tink inside dem. Den God goin talk good bout da good tings erybody do.

2 Corint 5:3

Wen us guys get dea, dass jalike us no goin stay naked. Cuz den, us goin come new kine, jalike wit da new kine clotheses.

Galatia 3:27

All you guys dat get baptize fo stay tight wit Christ an come his guys, now you goin come jalike him.

Efesus 4:24

You guys gotta start fo live da new kine way, da way God make you fo ack jalike him. Da way you guys ack goin be pono fo real kine. An you goin be good an spesho fo God an live da true way.

Jesus Show 16:15

Da One In Charge tell, “Look! I goin come jalike one steala guy dat nobody tink he goin come! Whoeva stay awake, an get dea clotheses wit dem, dey no goin come shame cuz dey naked. Dey goin stay good inside.”

Jesus Show 19:8

God give da bride fancy linen kine clotheses fo wear, dat stay white an clean. (Da kine white an clean linen clotheses mean, all da good an right tings dat da peopo dat stay spesho fo God do.)

Jesus Show 2:23

Fo shua, I goin kill erybody dat make jalike her. Den all da church peopo goin know dat I da One dat look inside da heart an da head an know wat erybody stay like, an wat dey tink, an I goin pay erybody fo wat dey do, good o bad.

Jesus Show 3:18

“ ‘Now I goin tell you guys wat I like you guys fo do. Fo come rich inside, come by me an get da stuff you guys need. Dass jalike you guys goin buy da bestes kine gold, da kine dat dey put inside da fire fo take out da junk kine stuff. An den you guys come by me an buy white clotheses fo put on, fo take away da shame, cuz jalike you guys no mo clotheses! An den you guys come by me an buy da kine medicine fo put on top yoa eyes fo you guys see fo real kine!