Matthew 21:5 - Hawaii Pidgin Bible

⁵ “Go tell Zion town, Eh, look! Yoa King stay come by you, He make nice kine to erybody, He stay ride on top one donkey, Even one real young donkey.”

Matthew 21:5 Iomraidhean Croise

Start 49:10

Judah guys goin carry da spesho stick fo show peopo dey da king, Da Judah ohana goin keep dat stick foeva. Till da real owna show up Dass goin be da one Dat da odda peopos goin do wat he tell um fo do.

2 Samuel 16:2

King David aks Ziba, “How come you wen bring all dis stuffs?” Ziba tell, “Da donkeys stay fo you, da king, an yoa ohana fo ride on top. Da breads an fruits stay fo yoa army guys fo eat, an da wine fo help da peopo dat goin come all tired out wen you guys go inside da boonies.”

1 Kings 1:33

da king tell um, “I da boss fo you guys, an I like you guys do dis: Go get all da odda guys dat work fo me. Den put my boy Solomon on top my spesho mule, an make parade fo take him down dea outside Jerusalem, by da Gihon watta place.

1 Kings 10:26

Solomon get mo an mo war wagons an horses. In da end, he get 1,400 war wagon an 12,000 horse. He sen some a dem to da towns he wen build fo da army guys dat use da war wagon fo fight, an he keep some a dem by him Jerusalem town.

Songs 9:14

So wen I go back Zion Town, I goin tell bout all da awesome tings you do! I goin show dat I stay good inside Cuz you wen get me outa trouble.

Isaiah 12:6

Yell loud! Yell cuz you guys feel good inside, All you peopo dat live inside Jerusalem town! Cuz da Good An Spesho God fo da Israel peopo Stay wit all you guys, Az why you know he da greates!”

Isaiah 40:9

“You Mount Zion peopo dat tell good kine stuff, Go up on top one high mountain Fo tell erybody! You Jerusalem peopo dat tell good kine stuff, Talk loud! No sked! Tell da peopo inside da towns all ova da Judah land, ‘Look! Dis yoa God!’

Isaiah 62:11

Da One In Charge tell da peopo all ova da world fo lissen: “Tell my Jerusalem peopo from Mount Zion, ‘Look! Da One goin get you guys outa trouble, He stay come! Look! He stay bring wit him Da ones he wen get outa trouble!’ ”

Ezekiel 34:24

Me, Da One In Charge goin be da God fo dem, an my worka guy David goin be da prince fo dem an live wit dem. Az wat me Da One In Charge tell.

Ezekiel 37:24

“My worka guy David goin be da king ova dem. Dat mean ony goin get da one sheep guy fo take kea all dem. Dey goin live da way I tell um wass right an wass wrong, an make shua dey do wat I tell um dey gotta do.

Hosea 1:7

Mo betta, I goin show pity fo da Judah ohana, an I goin get dem outa trouble. But I no goin do dat wit bows an arrows, o swords, o war, o wit da guys dat ride da horses. I dea God, Da One In Charge, so I no goin need all dat fo me get um outa trouble.”

Micah 5:2

But you peopo from da Efratah ohana Betlehem town, No matta peopo tink da tousans a odda Judah guys Mo importan den yoa ohana! But az Betlehem wea da guy goin come from, Dat goin lead da Israel peopo fo me! He stay from befo time, long time awready.

Census 24:19

Goin get one leada come from da Jacob peopo. He goin wipe out erybody dat stay alive still yet inside Ar town.”

Matthew 11:29

Jalike da cows get yoke on top dem fo pull dea load, you guys put my yoke on top you. Learn fo do wat I stay teach you. I stay gentle kine an I like take kea odda peopo befo I take kea me, fo notting bodda you guys.

Matthew 2:2

“Wea da boy dat born, da King fo da Jews? We wen spock one star come up da east side dat show dat he born awready, an we come hea fo go down in front him an show him plenny respeck.”

Matthew 2:6

“ ‘Eh! You Betlehem guys, ova dea Judah side! All da leadas inside Judah Tink Betlehem importan. Cuz from dea goin come one leada. He goin take kea God peopo, Da Israel peopo.’ ”

Matthew 21:6

Az why Jesus guys go do wat he wen tell um fo do.

Luke 24:27

An den Jesus teach dem eryting da Bible tell bout him from befo time. He start wit da stuff Moses wen write down inside da Rules, an den all da odda guys dat wen talk fo God, wat dey wen write down.

John 1:49

Den Natanael tell him, “Teacha, you God Boy fo real kine! You da King fo da Israel peopo!”

2 Corint 10:1

Dis yoa braddah Paul stay talking. You guys tink I shame fo talk strait wen I stay wit you guys? But I no shame fo talk strait wen I stay one far place. Eh, I stay tell you guys fo lissen me, cuz Christ get one good heart fo you guys, an he give you guys chance.

Rules Secon Time 17:16

No foget: da king no can get plenny horses ony fo him, o make da peopo go back Egypt side fo get mo horses. Cuz Da One In Charge, he wen tell you guys, “No go back Egypt side no moa!”

Local Leadas 12:14

He get forty boys an thirty boy grankids. Dey ride seventy donkeys. He lead da Israel peopo eight year.

Local Leadas 5:10

“You importan guys dat ride on top da nice looking donkeys, Sitting on top saddle blankets, An you regula guys dat walk on da road, Tink plenny bout dis!