Matthew 20:34 - Hawaii Pidgin Bible

³⁴ Jesus feel real pity fo dem, an he touch dea eyes. Right den an dea, dey see, an dey go wit him.

Matthew 20:34 Iomraidhean Croise

Songs 119:67

Befo time you wen punish me Cuz I stay go da wrong way. But now, I do wat you tell me fo do.

Songs 119:71

Good fo me, dat you wen punish me, Fo me learn how good Da tings you tell I gotta do.

Songs 145:8

Da One In Charge, he real good Fo give peopo chance. He get choke pity fo dem. He no come huhu real fas. He stay tight wit his peopo foeva.

Matthew 14:14

Wen Jesus go outa da boat, he spock all da peopo. He get pity fo dem, an he make all da sick guys ova dea come good.

Matthew 15:32

Jesus tell his guys fo come by him, an he tell, “Eh, I get pity fo dese peopo. Dey stay hea wit me three days awready, an dey no mo notting fo eat. I no like sen um away hungry, cuz bumbye dey goin pass out on da way home.”

Matthew 20:33

Dey tell, “Boss! We like see!”

Matthew 21:1

Den Jesus dem come nea Jerusalem an come Betpage, da small town on top da Olive Ridge. Jesus tell two guys he stay teach,

Matthew 8:15

An wen Jesus touch her hand, her feva pau. She get up an she bring food fo Jesus dem.

Matthew 9:29

Den he touch dea eyes an tell, “Da way you guys trus me, dass how goin be.”

Matthew 9:36

Wen he see all da peopo, he get love an aloha an pity fo dem, cuz dey all wore out inside an no can do notting cuz a dat. Dey jalike da sheeps dat no mo one sheep guy fo take kea dem.

Mark 7:33

Jesus take him by da side wea neva have nobody. Den he stick his finga inside da guy ears, an spit, an touch da guy tongue.

Luke 18:43

Right den an dea da guy see, an he go wit Jesus, talking bout how awesome God. Wen all da peopo see dat, dey tell God “Mahalo plenny!” an talk good bout him.

Luke 22:51

But Jesus tell, “No do dat no moa!” An he touch da guy ear an make him come good.

Luke 7:13

Da Boss Jesus spock her, an he get pity fo her. He tell, “No cry now.”

Jesus Guys 26:18

fo open dea eyes an fo turn um away from da dark kine stuff to da light; fo turn um away from da powa Satan get an turn um to God. Den I goin let um go, an hemo dea shame fo all da bad kine stuff dey do. Den dey can come togedda wit all da peopo dat trus me an come good an spesho fo me.’

Hebrews 2:17

Dass why Jesus gotta come jalike his braddahs an sistahs, ery kine way. An cuz Jesus jalike his braddahs an sistahs, he goin come dea Main Pries Guy fo take kea all da kine stuff da Jew Main Pries Guy do fo God. He give da peopo chance, an he da kine guy dey can trus. Cuz az who him, an he goin hemo da shame fo all da bad kine stuff da peopo do, an bring um back togedda wit God.

1 Peter 3:8

So den, all you guys, dis da las ting I goin tell you. Tink da same way. Get da same kine heart. Get plenny love an aloha fo da braddahs an da sistahs. Get pity fo each odda. No get big head fo notting.