Matthew 2:22 - Hawaii Pidgin Bible

²² But he hear dat Arkelaus come king Judea side afta his faddah Herod mahke. Joseph sked fo go ova dea. God tell him inside one dream, “You betta not go ova dea.” So he go Galilee side,

Matthew 2:22 Iomraidhean Croise

Songs 121:8

Da One In Charge goin take kea you Ery place you go, From now, an foevas.

Songs 48:14

Tell um dis: “Dis God, He da God fo us guys, all da time. He goin show us da way fo go Till us mahke.”

Songs 73:24

You stay teach me wass good fo do, Fo show me wea fo go. Bumbye you goin make me Come awesome.

Isaiah 30:21

Den, even if you go da wrong way, Jalike you leave da road An go da right side o da lef side, You goin hear somebody behind you tell, “Eh! Da right way stay ova hea! Go dat way!”

Matthew 1:20

But wen he stay figga lidat, right den an dea, wen he stay dreaming, one angel messenja guy from Da One In Charge come by him. Da angel guy tell, “Eh Joseph! You from King David ohana. No sked take Mary fo come yoa wife, cuz she hapai from God Spirit dat stay good an spesho.

Matthew 2:1

Jesus, he born Betlehem town, Judea side. Herod, he da king dat time. An you know wat? Had dese smart guys dat know plenny bout da stars. Dey come Jerusalem town from one far place, from da east side. Dey tell,

Matthew 2:19

Bumbye, King Herod mahke. One angel messenja guy from Da One In Charge come by Joseph wen he stay dream ova dea Egypt side. Da angel guy tell him,

Matthew 2:21

So den Joseph get up fo take Jesus an Mary an go back Israel side.

Matthew 3:13

Dat time, Jesus come from Galilee side to da Jordan Riva wea John stay, fo John baptize him.

Luke 2:39

Wen Joseph an Mary pau all da stuff dey gotta do, jalike Da One In Charge tell inside da Rules, dey go back Galilee side, Nazaret town.

John 7:52

Dey tell him, “Wot! Fo shua you no come from Galilee jalike him! Go check out da Bible from befo time. You goin find out dat nobody dat eva talk fo God come from Galilee!”

1 Samuel 16:2

But Samuel tell, “How can?! Fo shua Saul goin hear dat I go, an he goin kill me!” Da One In Charge tell, “So?! Take one young girl kine cow wit you an tell da peopo, ‘I stay hea fo make one sacrifice fo Da One In Charge.’