Matthew 2:2 - Hawaii Pidgin Bible

² “Wea da boy dat born, da King fo da Jews? We wen spock one star come up da east side dat show dat he born awready, an we come hea fo go down in front him an show him plenny respeck.”

Matthew 2:2 Iomraidhean Croise

Songs 2:6

“No matta wat you guys tink, I awready wen give My king guy da powa Fo stay in charge fo me! He da king on top Zion Hill, Jerusalem town, On top da mountain Dass spesho fo me!”

Songs 45:11

Wen da King like make love to you, Cuz you real good looking, Do jalike he like, Cuz he stay in charge a you now.

Isaiah 60:3

Da peopos from plenny countries Goin come by you guys fo see da light you get. King guys goin come fo see da light too, Cuz stay bright, Jalike da sun come up fo you.

Jeremiah 23:5

Da One In Charge tell: “An you know wat?! Da time goin come bumbye Wen I goin do dis fo King David: I goin make one guy from King David blood line Come da king. Jalike King David da Root An dis guy da New Branch dat come out from him, One guy dat goin do wass right erytime. He goin be da kine king dat know how come stuff happen. He goin keep all da rules An do wass right inside da land.

Jeremiah 30:9

But dey goin work fo me, dea God, Da One In Charge, An fo David dea king, Wen I make somebody from David line Come king fo dem.

Zekariah 9:9

Stay good inside, my Zion peopo! Yell, my Jerusalem peopo! Look! Yoa king stay come by you! He erytime do da right ting. He get you guys outa trouble! He make nice kine to erybody, An stay ride on top one donkey, even one young donkey.

Census 24:17

“I see him, but az not fo now. Wat I see, no stay nea. One star goin come out from da Jacob peopo. One king goin come from da Israel peopo. He goin smash da Moab peopo head, An da skulls a da Shet peopo.

Matthew 2:3

Wen King Herod hear dat, he come all shook up an sked. All da peopo inside Jerusalem, dey all come shook up an sked too.

Matthew 21:5

“Go tell Zion town, Eh, look! Yoa King stay come by you, He make nice kine to erybody, He stay ride on top one donkey, Even one real young donkey.”

Matthew 27:11

Da same time, Jesus stay stan in front Pilate, da govna. Pilate aks him, “Eh, you da King fo da Jews, o wat?” Jesus tell him, “You da one tell dat.”

Luke 19:38

Dey tell, “God goin do plenny good kine stuff fo dis guy! He da King dat come fo Da One In Charge! Eryting stay good wit God an da peopo. God in da sky, he awesome!”

Luke 2:11

Today inside King David town, one boy wen born dat goin get you guys outa da bad kine stuff you stay do. He da Christ Guy, da Spesho Guy God Wen Sen. He Da One In Charge!

Luke 23:3

Pilate tell Jesus, “Eh, you da king fo da Jews, o wat?” Jesus tell, “Dass right, wat you tell.”

Luke 23:38

Den dey write, dis da king fo da jews an put um on top da cross.

John 1:49

Den Natanael tell him, “Teacha, you God Boy fo real kine! You da King fo da Israel peopo!”

John 12:13

Dey cut branches from da palm trees fo wave cuz dey like cheer Jesus, an dey go fo meet him. Dey yell, “Hui! God goin take us Outa da bad kine stuff we stay in! Dis da King fo da Israel peopo! God goin do plenny good kine stuff Fo him. He da guy dat come wit powa From Da One In Charge!”

John 18:37

Pilate tell him, “So, you one king den?” Jesus tell him, “You tell I one king. Az why I wen born, an az why I wen come hea inside da world—fo me tell eryting dat I know bout da true stuff. Erybody dat stick wit da trut, dey lissen me.”

John 19:19

Anodda ting: Pilate tell da army guys fo make one sign an put um on top da cross. Da sign tell, Jesus From Nazaret Da King Fo Da Jews

John 20:28

Thomas tell Jesus, “You, you Da One In Charge a me! You my God!”

John 5:23

My Faddah like erybody get respeck fo me, cuz I his Boy, jalike dey get respeck fo him. Whoeva no mo respeck fo me, cuz I his Boy, dey no mo respeck fo my Faddah dat wen sen me hea.

John 9:38

Da guy tell, “You Da One In Charge! I trus you!” An he go down on his knees in front Jesus.

Hebrews 1:6

Wen God bring his Numba One Boy inside da world, he tell, “I like all my angel messenja guys Fo go down an show my Boy plenny love an respeck.”

Jesus Show 22:16

“Me, I Jesus. I wen sen my angel messenja guy fo tell you guys inside da churches all dis stuff. I come from David ohana. I jalike da plant dat come up from da root. I jalike da bright Morning Star.