Matthew 2:11 - Hawaii Pidgin Bible

¹¹ Dey go inside da house. Dey see da boy an his muddah Mary. Dey go down in front him an show him respeck. Den dey take out dea rich stuffs, an give um to Jesus. Dey give um gold, incense, an spesho kine myrrh perfume.

Matthew 2:11 Iomraidhean Croise

Start 43:11

Den dea faddah Israel tell um, “Kay den. If az how gotta be, den az how goin be. So do dis: go get da bestes kine stuffs dat come from dis land. Take um wit you inside yoa bags fo make present fo da main man—litto bit sap from da kine bush dass good fo medicine, litto bit honey, da kine sap you get outa da tragacanth root, myrrh, pistachio nut, an almond nut.

1 Kings 10:10

Da Queen fo da Sheba peopo wen give King Solomon 9,000 poun gold, an plenny spice, an jewelry stones dat cost real plenny. She give King Solomon mo plenny spice den eva come dea befo dat time an afta dat time.

1 Kings 10:2

She come Jerusalem town wit real plenny peopo, an camels fo carry spice an plenny gold, an jewelry stones dat cost plenny. She come by Solomon an talk to him bout all da tings she tink bout.

Songs 2:12

Go down in front da king An show respeck. Cuz if you guys no like do dis, Watch out! Cuz if you make him come huhu Even litto bit, Right den an dea, you guys Goin come wipe out, Cuz he come huhu real quick! But all da peopo dat let God Take kea dem, Dey stay good inside.

Songs 45:8

All yoa clotheses smell nice From da sap an da bark Dat dey use fo make perfume. From inside da palaces Wea get plenny nice kine stuff Wit ivory on top, Dey make music Fo make you feel real good.

Songs 72:10

I like fo da king guys from Spain An all da islans Come back to oua king Fo give um gifs. I like fo da king guys From Yemen an Ethiopia Bring wat dey owe Fo show he da boss fo dem.

Songs 72:15

Da king, I like fo him live long time! I like fo peopo give him Gold from Yemen. I like fo peopo pray fo him all da time An aks God all day Fo do good tings fo him.

Songs 95:6

Eh come! We go down In front Da One In Charge, We go down in front da One Dat wen make us guys.

Outa Egypt 30:23

“Go get da bestes kine sap fo make perfume. Weigh da sap da way da pries guys weigh um: Myrrh perfume, sticky kine, 12 an a half poun, Cinnamon, 6 an a quarta poun, Perfume kine cane, 6 an a quarta poun,

Outa Egypt 30:34

Den Da One In Charge tell Moses: “Take da nice smell spices fo make da incense—yellow gum resin, da kine sea shell dat smell nice wen you burn um, galbanum sap. Put um togedda wit da pure sap from da frankincense bush. Da way you put um togedda, measure um da same same ery time.

Love Song 3:6

Eh! Wat dis, dat stay come up from da boonies, Jalike az smoke go up from da groun to da sky? Smell jalike myrrh kine perfume an incense Dat dey make from all da spices dat da trader guys get.

Isaiah 60:6

Goin get real plenny camels all ova yoa land. Young camels from da Midian an Efah peopos, Dey all goin come from Yemen An bring gold an incense, Fo tell erybody dat Da One In Charge stay good.

Prieses 6:15

Da pries guy goin take one hand full a da fancy kine flour, an da olive oil, an all da incense on top da wheat o barley sacrifice, an burn da part, fo help peopo no foget dat da whole sacrifice stay fo me, Da One In Charge. Dat goin smell real nice an make me stay good inside.

Malakai 1:11

“All ova, from wea da sun come up to wea da sun go down, all da peopos know I get one importan name. Dey bring stuff fo make sacrifice cuz dey know wat kine god me, an dey bring incense an da kine gifs dat no mo notting wrong wit dem. Dass cuz da diffren peopos dat know who me, dey know I importan.” Dass wat Da One In Charge, Da God Ova All Da Armies tell.

Census 7:14

one gold dish dat weigh bout four ounces an stay fill up wit incense;

Census 7:86

Da twelve gold dishes fill up wit incense weigh bout four poun, jalike dey weigh um fo da Place Dat Stay Spesho Fo God.

Matthew 1:18

Befo Mary born Jesus, da Spesho Guy God Wen Sen, dis happen. Mary, she make ready fo marry Joseph. But befo dey marry, da Good An Spesho Spirit make her get hapai.

Matthew 12:46

Wen Jesus stay talk to da peopo, had his muddah an braddah guys ova dea too stay standing outside. Dey like talk to him.

Matthew 14:33

Den da guys inside da boat go down in front him, an tell, “Wow! Fo real, you God Boy!”

Matthew 2:10

Dey spock da star, an dey feel real good inside.

Matthew 2:2

“Wea da boy dat born, da King fo da Jews? We wen spock one star come up da east side dat show dat he born awready, an we come hea fo go down in front him an show him plenny respeck.”

Luke 2:16

So dey run an find Mary an Joseph. Da bebe stay lie down inside one box fo da cow food.

Luke 2:38

Dat time she come an tell God “Mahalo plenny!” an tell erybody bout da boy. She tell all da peopo dat stay wait, cuz dey know God goin cut loose da Jerusalem peopo so dey no gotta be jalike slaves no moa.

John 19:39

Nicodemus, he go wit Joseph too. He da guy dat befo time go by Jesus nite time fo talk wit him. He bring aloe an myrrh, all mix up, bout hundred poun, fo put on top Jesus body befo dey bury him.

Jesus Show 19:10

An I go down by da angel feets fo show him love an respeck. But he tell me, “No do dat! I ony one worka fo God jalike you an yoa braddahs an sistahs dat tell da trut bout Jesus. Show love an respeck fo God! Cuz da trut bout Jesus, dass wat make da guys dat talk fo God know wat fo tell.”

Jesus Show 5:8

Afta he take um, da four tings dat stay alive an go ery place God go, an da twenny-four older leadas, dey go down in front da Bebe Sheep Guy. Dey all get harp an gold kine bowl wit incense inside. Da incense, dass jalike all da tings da peopo dat stay spesho fo God aks him fo do.

1 Samuel 10:27

But had some mean buggahs wit attitude. Dey tell, “No way dis guy goin get us outa trouble!” An dey ack jalike Saul junk, an dey no bring present fo him notting. But Saul no say notting.