Matthew 2:10 - Hawaii Pidgin Bible

¹⁰ Dey spock da star, an dey feel real good inside.

Matthew 2:10 Iomraidhean Croise

Songs 105:3

Talk big bout him Cuz you know wat kine god him, An you know he stay good an spesho. All da peopo dat try fo know Da One In Charge fo real kine, I like fo dem stay good inside.

Songs 67:4

I like fo da diffren peopos Stay real good inside An sing cuz dey feel Good inside bout you, Cuz wen you judge da diffren peopos, You no make diffren kine To diffren peopo. Dass how you show da nations All ova da world how fo live. (Time out fo da music.)

Matthew 2:11

Dey go inside da house. Dey see da boy an his muddah Mary. Dey go down in front him an show him respeck. Den dey take out dea rich stuffs, an give um to Jesus. Dey give um gold, incense, an spesho kine myrrh perfume.

Matthew 2:9

Afta dey hear wat da king tell um fo do, dey go. An you know wat? Da same star, da one dey see befo, wen dey stay da east side, dat star go in front dem, an stop right ova da place wea da boy stay.

Luke 2:10

But da angel guy tell, “No sked. I come fo tell you guys Good Stuff From God dat goin make you guys an all da peopo stay good inside.

Luke 2:20

Da sheep guys go back, an dey tell erybody how God stay plenny good an awesome. Cuz all da stuff dey hear an see was jalike da angel guy wen tell um.

Rules Secon Time 32:13

Da One In Charge, he put da Israel peopo wea dey stay In da up country inside da Canaan land. He let um eat stuff dat grow inside da fields, An honey from da bees inside da cliffs, An oil from da olive trees dat grow wea get hard rocks.