Matthew 19:5 - Hawaii Pidgin Bible

⁵ An God tell, ‘Cuz I wen do dat, da guy no goin stay wit his muddah an faddah no moa, he goin stay wit his wife, an da guy an da wahine goin be jalike one body.’

Matthew 19:5 Iomraidhean Croise

Start 34:3

Den he start fo feel plenny love fo Dinah, Jacob daughtah. So he make nice to her.

2 Samuel 1:26

I stay all bum out cuz you mahke, Jonathan my braddah! You wen make me feel real good inside. Yoa aloha fo me was awesome! Mo awesome den da kine love from one wahine!

1 Kings 11:2

Dey come from diffren peopos, da ones Da One In Charge tell da Israel peopo bout dem befo time, “No marry dem. No let dem marry you. Cuz if you do dat, bumbye fo shua, dey goin make you come hamajang an you goin start fo follow dea gods, an stop fo follow me, yoa God!” But Solomon, he no can stop love da wahines.

Songs 45:10

I like tell her dis: “Eh, lissen an look at me, An tink plenny Bout wat I stay tell you. Foget dem from now, Da peopo from da odda country Wea you wen born. Foget da ones From da time you wen live Inside yoa faddah house.

Songs 63:8

Me, I stay tight wit you. You hold me up so I no fall down.

Malakai 2:15

Fo shua God wen make you an yoa wife one?! He da One dat own you guys body an spirit. An you know why Da One In Charge wen make you one? So wen you get kids, dey stay all out fo God! Az why you guys take kea fo stay okay inside, an no bulai da wife you wen marry wen you was young.

Matthew 19:6

So dey not two peopo no moa, dey one body. Wat God put togedda, da peopo betta not broke um up.”

Rome 12:9

Wen you show peopo love an aloha, do um fo real kine, no ack. Hate all da bad kine stuff, an stay tight wit da good kine stuff.

1 Corint 6:16

You guys know dis awready: Wen one guy come togedda wit one hoa, togedda dey make one body. Da Bible tell befo time, “Dem two, togedda dey come one body.”

1 Corint 7:2

But get peopo dat like fool aroun wit anybody, you know. Dass why mo betta all da guys get dea own wife an all da wahines get dea own husban.

1 Corint 7:4

Da wife no ony own her body, but da husban own um too. Same ting, da husban no ony own his body, but da wife own um too.

Efesus 5:31

Da Bible tell, “Dass how come one guy goin leave his faddah an muddah an come tight wit his wife. An da guy an da wahine goin come togedda jalike one body.”

Rules Secon Time 10:20

Stay sked a oua God, Da One In Charge, an work fo him. Stay tight wit him, an wen you make one strong promise, use ony his name fo back you up.

Rules Secon Time 11:22

Moses tell: “Make shua you do wat dese rules tell dat Da One In Charge stay give you guys fo do. Dat mean, get love an aloha fo yoa God, live da way he tell you fo live, an stay tight wit him.

Rules Secon Time 4:4

But all you guys dat stay tight wit yoa God, Da One In Charge, you still stay alive yet.

1 Samuel 18:1

Afta David pau talk wit Saul, Saul boy Jonathan come tight wit David cuz dey get da same kine heart an head. He get love an aloha fo David da same way Jonathan get fo him.

1 Samuel 25:43

David marry Ahinoam from Jezreel too. So den, da two wahines come his wifes.