Matthew 18:8 - Hawaii Pidgin Bible

⁸ “If yoa hand o yoa leg make you do bad kine stuff, cut um off an throw um away! Mo betta you live to da max foeva, no matta you no mo one hand o one leg. No good you get da hand an da leg, an dey throw you inside da fire dat stay burn foeva.

Matthew 18:8 Iomraidhean Croise

Isaiah 30:22

Den you guys goin make pilau yoa idol kine gods, Even da kine dat get silva an gold all ova. You goin throw um away Jalike one pilau kine rag. You goin tell da idol kine gods, “Get away from hea!”

Isaiah 33:14

Inside Jerusalem town, Da peopo dat stay do bad kine stuff, Dey stay sked! Da ones dat tink God notting, Dey no can stop shake no moa! Dey talk: ‘No mo nobody from us guys Can live wit da fire dat goin burn us up! No mo nobody from us guys Can live wea da fire goin burn all da time!’

Ezekiel 18:31

Throw out all da bad kine stuff you guys wen do agains me awready! Go put inside you one new kine heart an one new kine attitude! Eh! You Israel ohana peopo! You guys no need come cut off from God, you know!

Matthew 17:27

But if us guys no pay um, da tax guys goin tink bad bout us guys. Az why, go by da lake, an drop one line inside da watta. Da firs fish you catch, open da mout. You goin find one silva coin inside. Take dat coin to da tax guys. Dat goin be enuff fo me an you.”

Matthew 25:41

“Den I goin tell da odda guys on my lef side, ‘Get outa hea, you guys! God goin punish you guys! You goin go inside da fire dat stay ready fo da Devil an his angel messenja guys. An dat fire no goin pio eva!

Matthew 25:46

“Den wen da bad guys mahke, dey goin get punish foeva! But da guys dat erytime do da right ting, dey goin live to da max foeva!”

Luke 14:33

Jesus tell, “Same ting. You guys no can be my guys if you no give up eryting you get.”

Luke 16:24

“So he yell, ‘Eh Abraham, my ancesta guy! Pity me an sen Lazarus fo dip da tip a his finga in watta fo cool my tongue, cuz I stay suffa plenny inside dis fire!’

Rome 13:12

Litto mo pau da nite time, almos day time awready! Az why good we no do da bad kine stuff no moa. Az jalike how peopo in da dark do, wen no mo nobody can see wat dey stay do. Now, jalike us guys get ready all da stuffs God give us guys fo fight fo bring light!

Jesus Show 14:10

God come real huhu an tell ‘Laytas’ to da bad kine stuff dose peopo stay do. He goin make dose peopo suffa real bad from da burning sulfur, in front God spesho angel guys dat stay spesho fo God an in front da Bebe Sheep Guy. Dass jalike wen one guy make anodda guy drink too much real strong wine, fo make um come real piloot.

Jesus Show 20:15

Erybody dat no mo dea name inside Da Book Dat Tell Who Get God Kine Life, God throw dem inside da lava lake dat stay burn.

Jesus Show 21:8

But da peopo dat no do notting cuz dey sked, da peopo dat no trus God, dat ack pilau kine, dat murda oddas, dat fool aroun somebody, dat do bad kahuna kine stuff, dat go down an pray to da idol kine gods, an erybody dat bulai somebody, dey goin go inside da lava lake dat stay burn wit sulfur. Dass wen dey mahke da secon time.