Matthew 17:5 - Hawaii Pidgin Bible

⁵ Peter still stay talking, an you know wat? Get one bright cloud cova dem. Den, one voice from inside da cloud tell, “Dis my boy! I get plenny love an aloha fo him. I feel real good inside cuz a him. Eh, lissen him!”

Matthew 17:5 Iomraidhean Croise

Job 38:1

Den Da One In Charge ansa back Job from inside one real strong wind storm. He tell:

Songs 81:7

Wen you was presha out, You wen yell to me fo help you. An I wen get you outa trouble. I was dea, but you neva see me, I stay hide in da middo A da thunda cloud. An you wen call, An I wen do plenny fo you. Den, Meribah side, Da place wea no mo watta, I wen tes you Fo find out If you goin trus me, o wat. (Time out fo da music.)

Outa Egypt 19:19

Da sheep horn trumpet noise dey hear stay come mo strong erytime. Erytime Moses tell someting, God talk back to Moses, an soun jalike thunda.

Isaiah 42:1

Da One In Charge tell, “Dis da guy dat work fo me. I kokua him. He da guy I pick awready. I feel good inside cuz a him. My Spirit stay inside him. He goin do wass right Fo all da peopo inside da diffren countries.

Isaiah 42:21

Fo real, Da One In Charge wen like make da Rules he teach importan an awesome. Dat make him feel good inside An show erybody dat he stay do da right kine ting.

Matthew 12:18

“Eh, try lissen! Dis da guy dat work fo me. He da guy I wen pick. I get love an aloha fo him, I stay real good inside cuz a him. I goin give him my Spirit, An he goin teach da peopos all ova da world wat stay right.

Matthew 17:6

Da guys hear da voice, an dey come real sked, an dey put dea face on top da groun.

Matthew 3:17

An wow! Had one voice from da sky tell, “Dis my boy. I get love an aloha fo him fo real kine, an I stay good inside cuz a him!”

Mark 1:11

An wow! Get one voice from da sky tell, “You my boy! I fo real kine get love an aloha fo you, an I stay good inside cuz a you!”

Mark 9:7

Den had one cloud cova dem, an one voice from inside da cloud tell, “Dis my boy. I get plenny love an aloha fo him. Eh, lissen him!”

Luke 3:22

an da Good An Spesho Spirit come down on top Jesus. Can see da Spirit dat time, look jalike one dove. An wow! Get one voice from da sky tell, “You my Boy. I fo real kine get love an aloha fo you, an I stay good inside cuz a you.”

John 3:16

“God get plenny love an aloha fo da peopo inside da world. Dass why he sen me, his one an ony Boy. Cuz a dat, erybody dat trus me no goin get cut off from God foeva! Dey goin get da real kine life dat goin stay to da max foeva!

John 3:35

Da Faddah get plenny love an aloha fo his Boy. He give him da powa ova eryting.

John 5:37

An da Faddah, dat wen sen me, he anodda One dat tell wat he know bout me. But you guys neva hear him o see him.

Jesus Guys 1:9

Afta he tell dat, God take him up in front dem, an den one cloud move unda him, fo dem no see him no moa.

Jesus Guys 7:37

Moses, he da same guy dat tell da Israel peopo layta, ‘God goin sen one Guy fo you dat goin talk fo him, jalike he wen sen me. An dat one goin come from you guys ohana.’

Efesus 1:6

God like his kids fo tell how awesome all da good kine tings he stay do fo us. God do good tings fo us cuz we stay tight wit Christ, an God get plenny love an aloha fo Christ.

Rules Secon Time 18:15

But yoa God, Da One In Charge, goin bring one guy from yoa peopo dat talk fo him to you guys, jalike me. Him, da one you guys betta lissen.

Rules Secon Time 18:19

If no mo nobody like lissen wat da guy dat talk fo me tell cuz he my guy, I goin poin finga dat guy.

Rules Secon Time 5:22

Den Moses tell da peopo: “Dis wat Da One In Charge wen tell all you guys fo do wit one loud voice on top da mountain, from inside da fire an cloud an real dark sky, an he no tell notting moa. Den he write um on top two flat stones, an give um to me.

Hebrews 5:9

Christ wen come perfeck, an now he da One dat take all da peopo dat lissen him outa da bad kine stuff dey stay do. An he help um stay perfeck lidat foeva.

Jesus Show 1:7

Try look! Look! Jesus stay come inside da clouds! Erybody goin see him, Even da guys dat wen stab him wit dea spear. All da diffren peopos all ova da world goin cry An feel bad inside cuz wat wen happen to him. Dass how goin be! Dass it!

Jesus Show 14:14

Den I look, an jalike one dream, in front me had one white cloud. Had one guy stay sit on top da cloud dat look jalike us. He da Guy Dass fo Real. He get one gold kine crown on top his head, an one sharp sickle in his hand.