Matthew 17:2 - Hawaii Pidgin Bible

² Den, da same time dey stay look at him, Jesus start fo look diffren in front dem. His face shine jalike da sun, an his clotheses come shiny kine jalike one bright light.

Matthew 17:2 Iomraidhean Croise

Songs 104:2

Da One In Charge Get light all aroun him, Jalike dass wat he wea. He set up da whole sky Jalike one guy set up one tent cova.

Love Song 6:10

Dey tell: “Who dis wahine dat look jalike da morning light? She beautiful jalike da moon, Bright jalike da sun, Awesome jalike one army wit dea flags!”

Matthew 17:1

Afta six days, Jesus take Peter, James, an James braddah John wit him up on top one big mountain wea no mo nobody.

Matthew 17:3

An you know wat? Right den an dea Moses an Elijah from long time befo time show up, an talk wit Jesus.

Matthew 28:3

He look jalike da light from da lightning, an his clotheses was real white jalike da snow.

Mark 9:3

His clotheses come shiny white—mo white den anybody in da world can clean um.

Luke 9:29

Wen he stay pray, his face change an he look real diffren. His clotheses come bright jalike da lightning.

John 1:14

Dat “God, He Talk” Guy, he come one guy dat get one body jalike us guys get. He stay wit us short time, an us see how awesome he stay. He awesome, cuz he da One an ony Boy dat come from da Faddah. He like do plenny good stuff fo us cuz dass how he stay. Eryting he tell bout God stay fo real.

John 17:24

“Faddah, I like erybody dat you wen give me come by me wea I goin stay, cuz I like dem see how awesome I stay. Cuz you get love an aloha fo me, an you wen make me awesome befo us make da world.

Rome 12:2

Eh! No do wat da peopo nowdays stay tell you fo do! Mo betta, you guys let God make you guys tink diffren kine inside, fo you tink diffren bout eryting. Den you can figga wat God like you fo do. An da ting God like you fo do, stay good, make God stay good inside, an erytime stay perfeck.

Jesus Show 10:1

Den, jalike one dream, I see anodda angel guy dat get plenny powa, coming down from da sky. He get one cloud fo his clotheses, an one rainbow aroun his head. His face jalike da sun, an his legs jalike fire.

Jesus Show 20:11

Den, jalike one dream, I spock one big white throne, an da One dat sit on top um. Da earth an da sky disappea from him, an nobody eva see dem no moa.