Matthew 15:6 - Hawaii Pidgin Bible

⁶ Den da guy no need show respeck fo his faddah o muddah.’ Dass wat you guys tell. You guys make no good wat God wen tell, fo stick wit da stuff yoa ancesta guys wen pass down.

Matthew 15:6 Iomraidhean Croise

Songs 119:126

Eh! You Da One In Charge! You gotta do someting now, Cuz get guys dat stay broke yoa Rules.

Songs 119:139

Da ones dat stay agains me, Dey foget eryting you tell. An dat make me real mad, Az why I no can even talk!

Jeremiah 8:8

Da One In Charge tell: “How come you guys tell, ‘Us smart! Us guys know wat fo do erytime, Cuz we get da Rules from Da One In Charge!’ ”? But you know wat?! Da guys dat teach my Rules, Dey use wat dey write fo bulai you guys!

Hosea 4:6

My peopo stay coming wipe out Cuz dey donno me. An cuz you pries guys no like know me, Az why I no like let you guys be my pries guys. You guys foget da teaching Dat come from me, yoa God, Da One In Charge, Az why I goin foget yoa kids.

Matthew 15:5

“But you teacha guys tell, ‘If one guy get someting, an he can use um fo help his faddah o muddah, he can tell, “I no goin use um fo help you guys, cuz bumbye I goin give um to da Temple.”

Matthew 15:7

“You guys tell one ting an do anodda! Da guy Isaiah wen talk fo God long time befo time, an fo shua he stay talk bout you guys! He tell,

Mark 7:13

You guys make no good wat God wen tell you fo do, so you can stick wit da kine stuff yoa ancesta guys wen pass down fo us know from long time befo time. You guys do plenny odda tings lidat, an pass um down fo da odda peopo fo do um too.”

Rome 3:31

You tink dat wen we trus God, dat mean we make da Rules From God good fo notting? No ways! We make da Rules come mo solid.

1 Timoty 5:16

If get one wahine dat trus God, an she get widows inside her ohana, she gotta kokua dem. No good da church guys do dat. Mo betta da church guys kokua da widows dat no mo ohana notting.

1 Timoty 5:8

If get somebody dat no take kea his ohana, an even mo his muddah an faddah an wife an kids, dass jalike he bag an tell he donno God. He mo worse den da guy dat no trus God notting.