Matthew 14:25 - Hawaii Pidgin Bible

²⁵ Early, real early in da morning, Jesus come by dem, walking on top da watta.

Matthew 14:25 Iomraidhean Croise

Job 9:8

He da One dat stretch out da sky, An no need nobody fo help him. He walk all ova da waves inside da ocean Fo show he stay in charge dea too.

Songs 104:3

He build his palace in da sky. He use da clouds fo war wagon An he ride on top da wind, Jalike da wind get wings fo carry him.

Matthew 24:43

But you guys gotta figga dis: If da main guy inside da house know wat time da steala guy goin come, he goin watch out fo um. He no goin let um inside fo bus up his place. But he donno da time.

Mark 13:35

You guys gotta make lidat! Get ready! Cuz you guys donno da time I goin come back. Maybe afta da sun go down, o midnite, o real early in da morning wen da roosta crow, o wen da sun come up.

Mark 6:48

He spock his guys stay trying fo row da boat, but dey no can, cuz da wind stay blow hard. Real early in da morning Jesus come by dem. He stay walking on top da watta. He ack jalike he goin pass by dem.

Luke 12:38

Wen da boss come back, goin be good fo da worka guys dat stay ready, no matta he show up real late nite time.

John 6:19

Jesus guys row da boat three o four mile, an den dey spock Jesus stay walk on top da watta. He stay come nea da boat. An dey real sked.

Jesus Show 10:2

Da angel guy stay hold one small paypa in his hand dat stay open. He put his right feet on top da ocean, an his lef feet on top da land.

Jesus Show 10:5

Den da angel guy dat I wen see, da one dat stay stan on top da ocean an da land, he put up his right hand to da sky.

Jesus Show 10:8

Den da same voice dat I wen hear befo from da sky, dat voice tell me, “Go, take da paypa dat stay open inside da angel guy hand, da one dat stay stan on top da ocean an da land.”