Matthew 13:19 - Hawaii Pidgin Bible

¹⁹ Any guy hear da stuff bout da King in da sky, an no undastan, da Bad Guy come an take away da stuff dat da guy wen hear dat stay inside him. Dass jalike da seed dat fall down by da trail.

Matthew 13:19 Iomraidhean Croise

Smart Guys 1:7

Fo know stuff fo real kine, Main ting, you gotta get awesome respeck fo Da One In Charge Fo you stay sked wen you tink bout him! Ony da peopo dat do bad kine stuff, no bodda dem. Dey figga az wase time, fo learn wass importan fo do An fo stick wit wass right.

Smart Guys 17:16

Poho, fo one stupid buggah pay plenny Fo learn someting, Wen he tink he no need learn notting. Cuz he no like fo learn Wat fo do erytime.

Ezekiel 31:18

“ ‘Eh! Pharaoh King! Fo shua no mo anodda tree inside Eden mo awesome den you! But you know wat? Goin get armies bring you down too jalike da Eden trees fo go undaneat da groun. You goin lay dea wit da peopos dat no mo da mark fo show dat dey God peopo, an wit da ones get kill wit swords. All dis jalike one picha bout you, King Pharaoh! You da one dat make tantaran! Dat big tree, az you, you know!’ Az wat me Da One In Charge, da Boss, tell.”

Matthew 12:26

If Satan make his guys let go da peopo, den Satan go agains Satan! How he goin stay one strong king?!

Matthew 13:20

Da seed dat fall down on top da rocks, dass jalike one guy dat hear da Good Kine Stuff, an he trus wat God tell him right den an dea, an he stay good inside.

Matthew 13:38

Da field, dass da world. Da good seed, dass da peopo dat get God fo dea king. Da weeds, dass da peopo dat stay tight wit da Bad Guy, da Devil.

Matthew 4:23

Den Jesus go all ova Galilee fo teach inside da Jew churches. He tell da peopo all da Good Kine Stuff bout how can get God fo dea king, an he make all da sick peopo come good from all kine sick.

Matthew 5:37

Ony tell, ‘Yeah’ o ‘No.’ Wateva you tell mo den dis come from da Bad Guy, da Devil.

Mark 4:15

“Da seed dat fall down by da trail, dass jalike wen one guy hear wat God tell, an right den an dea Satan come an jam up da guy so he no can rememba wat he wen hear.

Luke 10:9

Make da sick peopo dat stay dea come good, an tell um, ‘God stay da King hea wit you guys now.’

Luke 9:2

Den he sen um all ova fo tell erybody bout how dey can get God fo dea king, an fo make da sick peopo come good.

John 18:38

Pilate tell him, “Wat da trut?” Wen Pilate tell dat, he go back outside to da Jews, an tell um, “I no find notting wrong wit dis guy.

John 8:43

How come you guys no can undastan da stuff I stay tell you? Cuz you guys no like lissen, dass why!

Jesus Guys 17:32

Wen dey hear him tell dat one guy come back alive from mahke, some a dem guys make fun a him. But odda guys tell, “We like hear you talk bout dis stuff one mo time.”

Jesus Guys 18:15

But you guys squawk bout wat some odda guy talk bout, an bout da names a odda peopo us guys donno, an bout yoa Jew rules too. So you guys gotta be da ones fo figga dat out. I no goin judge dat kine stuff.”

Jesus Guys 20:25

“I wen go all ova da place wea you guys stay, an tell you guys bout how peopo can get God fo dea king. I know fo shua nobody from you guys goin eva see me no moa.

Jesus Guys 28:23

Den da Jew guys tell dey goin come togedda one spesho day. An dat time even mo peopo come to da place wea Paul stay. Wen da sun come up till da sun go down, he tell um all da stuff bout how fo get God fo dea king. He try help um fo trus da Good Stuff Bout Jesus. He start wit da stuff Moses write down inside da Rules, an den he talk bout da odda guys dat talk fo God befo time.

Rome 1:28

Cuz dey tink, “Mo betta we no stay tight wit God fo real kine!” Az why God let um ack how dey like ack. An dey ony tink fo do no good kine stuffs. Dass how dey ack.

Rome 14:17

Eh lissen! God stay da King, but you no stay da king guy jus cuz you like eat o drink wateva you like. You stay da king guy, so you do da right ting, an notting bodda you, an you stay good inside. Cuz dass wat happen wen you stay tight wit da Good An Spesho Spirit.

Rome 2:8

But da odda peopos, God had it wit wat dey do. He had it wit dem awready, cuz dey like make big kine trouble. Dey no like do da true stuff, but dey erytime like do wass wrong.

Efesus 3:8

All da odda peopo dat stay spesho fo God stay mo importan den me. Still yet, God wen pick me fo do dis job. Dis da job fo tell all da diffren kine peopos dass not Jew guys all da unreal an awesome kine stuffs bout Christ. Dat awesome kine stuff mo awesome den anybody can figga. Dis job, jalike one spesho gif God give me fo do.

2 Tessalonika 2:12

Az why all da peopo dat neva trus da true stuff, but feel good inside wen dey do stuff dass wrong, God da Judge goin punish dem.

Hebrews 2:1

Us guys gotta tink plenny bout all da stuff we wen hear fo us no foget um.

1 John 3:12

Tink bout da Cain story inside da Bible from befo time. No make jalike Cain. He wen stay tight wit da Bad Guy, Satan, an he kill his braddah Abel. How come he wen kill Abel? Cuz Cain stay do bad kine tings, an his braddah stay do da right kine tings.

1 John 5:18

Fo shua all da ones dat stay God kids no do bad kine stuff, cuz God Boy take kea dem, an da Bad Guy, da Devil, no can hurt dem.

1 John 5:20

We know dat God Boy wen come an help us guys fo undastan. Az how we know da real God. Us guys stay tight wit da One dass da real God—wit God Boy Jesus, da Spesho Guy God Wen Sen. Dass da real God, an dass da real kine life dat goin stay to da max foeva!