Matthew 12:7 - Hawaii Pidgin Bible

⁷ Da Bible tell, ‘I like my peopo make good to each odda an give each odda chance. Dat mo betta den jus make one sacrifice inside da temple.’ If you guys wen know wat dis mean, den you guys no tell dey wen broke da Rules From God, cuz dey neva.

Matthew 12:7 Iomraidhean Croise

Job 32:3

Elihu come huhu wit da three frenz too. Cuz dose guys neva find notting fo tell Job. Dey no can show proof dat Job no get um right. Still yet dey poin finga him.

Songs 109:31

Cuz wen somebody need help, Da One In Charge, He stay right dea by dem Fo get um outa trouble, No matta odda peopo Like judge dem an kill um.

Songs 94:21

Dat kine peopo come togedda Fo kill da peopo dat do da right ting. Dea judges tell, Da peopo dat neva do notting bad Gotta bleed an mahke.

Smart Guys 17:15

Da One In Charge tink two kine peopo pilau: One dat tell one guy dat do one bad kine ting “You okay, you neva do notting bad!” An da odda dat tell one guy dat no do notting bad “You wen do someting bad!”

Hosea 6:6

Cuz make me feel good, Wen you guys stay tight wit me, Mo den wen you jus make sacrifice. Make me feel good, Mo den wen you jus make one burn up kine sacrifice Wen you guys know dat I God.

Matthew 22:29

Jesus tell um, “Eh, you guys all jam up, you know. Cuz you donno wat da Bible tell from befo time, az why, an you donno da powa God get.

Matthew 9:13

Go figga wat Hosea, da guy dat talk fo God, wen tell befo time, ‘I like my peopo give chance to each odda. Dat mo betta den jus make one sacrifice inside da temple.’ Dass wat God tell. But me, I neva come fo tell da guys dat erytime do wat God tell um fo do, fo come my guys, but I wen come fo da peopo dat get one bad rep.”

Mark 12:33

Us guys gotta go all out fo show love an aloha fo him wit eryting inside us, wit how we tink, an wit all oua powa. An we gotta go all out fo show love an aloha fo odda guys jalike we get love an aloha fo us. Dass mo importan den make da burn up kine offering an da odda sacrifices.”

Jesus Guys 13:27

Da peopo inside Jerusalem an dea leadas, dey neva know who Jesus was. Dey neva undastan wat da guys dat talk fo God wen write down befo time, no matta dey read um inside dea Jew churches ery Res Day. So wat da Jerusalem leada guys do, dey poin finga Jesus. An dass how dey make happen all da stuff da Bible tell.

James 5:6

You guys, you make trouble wit da judge fo da peopo dat do da right ting erytime, an den you kill um. An dey no fight back.

Joshua 5:5

All da guys dat come outa Egypt get da cut skin mark. But da guys dat wen born inside da boonies wen da peopo stay go inside dea, dey no mo da mark.

1 Samuel 15:22

But Samuel tell: “You tink dat Da One In Charge feel mo good inside Wen you make all da diffren kine sacrifice, O wen you lissen him?! Wen you lissen, dass mo betta Den wen you make one sacrifice! Mo betta wen you find out wat God like, Den, kill da sheep!