Mark 9:18 - Hawaii Pidgin Bible

¹⁸ Erytime da spirit take ova da boy, he throw um to da groun. Den da foam come outa his mout, an he grind his teet, an come stiff jalike one board. I wen bring him ova hea by da guys you stay teach fo dem make da bad spirit let go da boy, but dey no can.”

Mark 9:18 Iomraidhean Croise

Job 16:9

God stay huhu an bus me up, Jalike one wild animal go afta da animals he kill. Jalike he make mad face cuz he hate me plenny. He give me stink eye cuz he stay agains me.

Songs 112:10

Da bad guys, dey see wass happening, An dey come bum out. Dey goin grind dea teet Cuz dey so mad an futless. Eryting fo dem goin come poho. Eryting da bad kine peopo like get, No goin come to dem!

Matthew 15:22

Get one wahine dea from da Canaan peopo dat come an yell, “Boss, you from King David ohana. Try pity me an give me chance! My girl get one bad kine spirit dat take ova her an make her suffa plenny.”

Matthew 17:16

I wen bring um ova hea by da guys you stay teach, but dey no can make him come good.”

Matthew 8:12

But goin get odda guys fo God suppose to be dea King, but dey no like um be dea King. An den he goin throw um outside inside da dark. Ova dea dey goin cry plenny an grind dea teet cuz dey so huhu an futless.”

Mark 11:23

Az right! I like tell you guys dis too: You goin tell dis mountain ova hea, ‘Eh, get up! Go jump inside da ocean!’ If you trus God fo make dat happen, an no trus um ony litto bit same time, den goin happen lidat.

Mark 9:17

One guy tell, “Teacha, I wen bring my boy to you. He get one bad spirit dat no let um talk.

Mark 9:19

Jesus tell, “You guys! Nowdays nobody trus God! How long moa, I gotta be wit you guys an take how you guys ack? Bring da boy ova hea!”

Mark 9:20

So dey bring um. Wen da spirit spock Jesus, right den an dea he make da boy start fo shake plenny, an he fall down on top da groun, an roll all ova, an da foam come outa his mout.

Mark 9:26

Den da spirit yell an throw da boy all ova da place, den he let um go. Da boy look jalike he mahke. Plenny peopo tell, “Bummahs! He mahke!”

Jesus Guys 7:54

Wen dey hear dat, dey come wild, an dey grind dea teet at Stephen cuz dey mad.

Jude 1:13

Dem guys ony do shame kine stuff, jalike wen da big kine messy surf come up an bahf all kine junk stuff. Dey jalike da stars dat no go wea dey suppose to go. God get one place fo dem. Dey goin stay dea foeva, inside da real dark place.