Mark 7:25 - Hawaii Pidgin Bible

^25-26 Get one wahine from da Fonecia peopo, Syria side. Her Greek, not Jew, from da kine peopo dat da Jews call “dogs.” Her litto girl get one bad kine spirit dat wen take ova her, an make her do all kine stuff. Da muddah hear bout Jesus, an right den an dea she go by him. She go down by his feets, an beg him fo make da bad kine spirit no bodda her girl no moa.

Mark 7:25 Iomraidhean Croise

Matthew 15:22

Get one wahine dea from da Canaan peopo dat come an yell, “Boss, you from King David ohana. Try pity me an give me chance! My girl get one bad kine spirit dat take ova her an make her suffa plenny.”

Mark 1:40

Had one lepa guy go by Jesus, an go down in front him an beg him. He tell, “If you like, you can make me come good fo me go wit da odda peopo fo pray, aah?”

Mark 5:33

Da wahine, she know wat wen happen to her. She sked an shaking. She go down by Jesus feets, an tell him da whole story.

Mark 7:24

From dea Jesus go Tyre side. He go inside one house, an he no like nobody know wea he stay. But no can. Erybody find out.

Luke 17:16

He go down by Jesus feets, an tell him “Mahalo plenny!” He one guy from Samaria.