Mark 7:22 - Hawaii Pidgin Bible

²² dey like grab eryting fo ony dem; dey feel good wen dey do bad kine stuff; dey like bulai da odda guy; dey no mo shame fo any kine; bodda dem wen da odda guy get someting good; dey talk bad bout odda peopo; dey get big head; dey ack stupid cuz dey no like tink.

Mark 7:22 Iomraidhean Croise

2 Records 32:31

But layta, get messenja guys come from da Babylon leada guys. Dey come inside da land fo aks Hezekiah bout da awesome sign he wen get dat he goin come good. Dat time, God go way from Hezekiah fo tes him, fo find out eryting Hezekiah tink bout fo real kine.

Songs 10:4

Dese big head guys, Dey no like know God. All da time dey tink, “Weneva us guys make one plan fo do bad kine stuff, No need tink bout God!”

Songs 119:36

Give me one heart fo do wat you tell, An not jus fo me come rich.

Smart Guys 12:23

Da akamai kine peopo, Dey no show off eryting dey know. Da dumb buggahs dat tink Dey no need learn notting, Dey gotta yell out all dea stupid kine stuff.

Smart Guys 22:15

Kids, dey like go all out fo do stupid kine stuff. Az why dey need one good wack Fo make shua dey learn da right way, An fo no tink fo do stupid kine stuff.

Smart Guys 23:6

Wen one guy dat like get eryting, Tell you fo come his place fo grind, No go pig out All da fancy kine stuff he put in front you.

Smart Guys 24:9

Wen peopo make one plan Fo go all out fo do stupid kine stuff, Az no good! An da big head kine guys Dat ony talk bad bout erybody, Odda peopo tell dey pilau.

Smart Guys 27:22

One guy dat do bad kine stuff an dat no bodda him, You no can do notting, fo him no ack lidat. No matta you grind him up jalike food wit one poi pounda, No way you goin make um no do bad kine stuff.

Smart Guys 28:22

Da greedy kine peopo Dat like come rich real fas, Dey donno dat bumbye, Dey goin come broke an no mo notting.

Teacha 7:25

So den I change my mind an try fo study stuff. I like learn mo, an find out wat fo do erytime, an figga out how come eryting happen. An I like know how come az stupid fo do bad kine stuff, An how come da stupid guys come pupule.

Isaiah 59:13

Us go agains Da One In Charge, An show he no can trus us guys. Us no follow oua God. Us tell “Laytas” to him. Us tell peopo az okay Fo make any kine to odda peopo An go agains odda peopo. Us tink how fo bulai peopo, An teach odda peopo how fo do da same ting.

Isaiah 59:7

Dey run fas fo do bad kine stuff. Dey real quick fo kill peopo Dat neva do notting bad. Dey ony tink bout How fo do bad kine stuff. Ery place dey go, Dey broke up eryting.

Jeremiah 17:9

“Us peopo, inside we stay sly, fo real kine! Jalike us get one sick dat no can come good. No mo nobody undastan how bad us!”

Matthew 20:15

I do wat I like wit da money I get, you know. You jealous cuz I mo good to dem, o wat?’ ”

Matthew 6:23

But if da eye no good, dat mean, da guy stay all dark inside. He one greedy buggah! Eh, if no mo light inside you, you stay all dark inside fo shua!

Mark 7:21

Get all kine bad kine stuff come out from inside peopo. Dass how erybody tink how dey can do bad kine stuff: dey not married to da one dey fool aroun wit; dey rip off da odda peopo; dey murda peopo; dey married an still yet go fool aroun;

Mark 7:23

All dat bad kine stuff, dass wat come from inside. Az why peopo stay pilau inside an dey no can pray.”

2 Corint 10:5

Eryting dey put up high fo stan agains anybody dat like know God, us goin teach dem guys fo tink an undastan diffren kine. Dass jalike us capcha wat dey tink fo make um come da way Christ like us fo tink an undastan stuff.

Rules Secon Time 15:9

Make shua you guys no tink lidis: “Da year numba seven stay come nea, wen we gotta let go an foget bout wateva somebody owe us an let um go!” No good you tink lidat an come mean an no give yoa braddah guys notting wen dey no mo notting. If you make lidat, den az good fo dem tell Da One In Charge fo help dem go agains you, an you goin get da blame fo do wass bad.

Rules Secon Time 28:54

Even da mos easy an nice guy wit you guys dat get plenny aloha, he goin come greedy an no share food even wit his braddah o his wife dat he love, an his kids dat stay still yet.

Rules Secon Time 28:56

Tink bout da mos easy an nice wahine dat stay wit you guys. Her da one dat get plenny aloha, an she no even let da bottom a her feets touch da groun. Even dat one goin go agains her husban dat she love, o her boys an girls.

1 Peter 2:15

Dass why God like you guys fo do da good kine stuff fo da guys dat donno notting an no tink right, so no mo nobody can poin finga you.

1 Peter 5:5

Same ting, you younga guys, lissen yoa older leada guys. Tink lidis: No get big head, cuz da Bible tell, “God stay agains da guy dat get big head, But he do plenny fo help da guy dat no mo big head.”