Mark 6:3 - Hawaii Pidgin Bible

³ Fo shua dass da carpinta guy, aah? His muddah Mary, an his braddahs James, Joseph, Judas, an Simon. His sistahs, dey stay hea wit us too.” Dis bodda dem, how he stay ack.

Mark 6:3 Iomraidhean Croise

Isaiah 49:7

Dis anodda spesho message from Da One In Charge. (He da One dat pay da price Fo get da Israel peopo outa trouble. He da Good An Spesho One fo da Israel peopo.) Dis message, fo da one Dat da peopo tink he no good inside, Da one dat all ova da country, Da peopo hate um, Da one dey figga ony one slave Dat work fo da leada guys. Dis wat Da One In Charge tell dat guy dat work fo him: “Wen da king guys see you, Dey goin stan up fo show you respeck! Wen da prince guys see you, Dey goin go down in front you Fo show you respeck! An all dat goin happen cuz a me, Da One In Charge. I da One you can trus. I da Spesho One fo da Israel peopo. An I wen pick you!”

Matthew 11:6

An if da tings I do no bodda you, den you goin feel good inside.”

Matthew 12:46

Wen Jesus stay talk to da peopo, had his muddah an braddah guys ova dea too stay standing outside. Dey like talk to him.

Mark 15:40

Get some wahines stay standing far fo watch eryting dat happen. Had Mary from Magdala, anodda Mary dat get two boys (da younga James an Joses), an Salome.

Mark 3:18

Andrew, Philip, Bartolomew, Matthew, Thomas, Alfeus boy James, Taddeus, Simon da Jew Sovereignty guy,

Luke 2:34

Simeon tell God fo do good tings fo dem too. He tell Jesus muddah Mary, “God wen sen dis boy, an plenny Israel peopo goin jam up cuz a him. But plenny odda Israel peopo, dey goin come good cuz a him. He goin be jalike one sign dat tell peopo fo watch out. Plenny peopo no goin like dat, an dey goin grumble bout him.

Luke 7:23

An if da tings I do no bodda you, den you goin stay good inside too.”

Luke 8:20

One guy tell Jesus, “Eh, yoa muddah an yoa braddahs, dey outside, an dey like visit you.”

John 14:22

Get anodda guy Judas, not da Iscariot guy. He go aks Jesus, “Boss, how come you goin show us guys who you fo real kine, an not show da odda peopo inside da world?”

John 6:42

Dey tell each odda, “Eh, dis guy, he Jesus, aah? He Joseph boy! We know his faddah an muddah, aah? So, how come he tell now, ‘I come down from da sky.’?”

Jesus Guys 1:13

Wen dey come dea, dey all go da place upstairs wea dey was staying. Had Peter, John, James, an Andrew; Philip an Thomas; Bartolomew an Matthew; Alfeus boy James, Simon da Jew Sovereignty guy, an James boy Judas.

Jesus Guys 12:17

Peter wave his hand fo dem fo no talk, an he tell um dat Da One In Charge wen bring him outside da jail. He tell, “Go tell da odda James an all da braddahs an sistahs bout dis!” An den he go anodda place.

1 Corint 1:23

But us guys dat tell da Good Stuff Bout God, dis wat we tell. We stay tell peopo all ova da place how God wen sen dis Spesho Guy Christ ova hea. We tell how odda guys wen hang um on top one cross fo kill um. Da Jew guys hear all dat, but dey no can handle, cuz dey tink God Spesho Guy no goin mahke fo shua. An da Greek peopo, wen dey hear um, dey tink, “Stupid!”

1 Corint 9:4

You no tink me an Barnabas get da right fo get stuff fo eat an drink from da peopo we teach, o wat?

Galatia 1:19

Dat time I neva see odda guys God wen sen all ova, ony James, Jesus braddah.

1 Peter 2:4

Stay tight wit Christ. He jalike da main stone da builda guys wen throw out, but den God still wen pick him. He stay alive foeva an God tell he worth plenny!

Jude 1:1

Aloha! Dis me, Jude. Me James braddah, you know. An I one worka fo Jesus Christ, da Spesho Guy God Wen Sen. I stay write dis letta fo you guys. God da Faddah tell you guys fo come by him an be his guys. He get plenny love an aloha fo you guys dat stay tight wit him, an Jesus Christ take good kea you guys.