Mark 4:12 - Hawaii Pidgin Bible

¹² “Dass fo make happen jalike Isaiah wen tell dat God tell, “ ‘Dey see wat I stay do, but dey no can see fo real kine. Dey hear wat I tell, but dey no can hear fo real kine. If dey fo real kine fo see an hear, Den dey goin change, An I goin let um go an hemo dea shame Fo all da bad kine stuff dey wen do.’ ”

Mark 4:12 Iomraidhean Croise

Isaiah 43:8

“Bring out da peopo dat get eye But dey no can see, An da peopo dat get ear But dey no can hear.

Isaiah 44:18

Dat kine peopo, dey donno notting. Dey no undastan notting. Jalike Da One In Charge put plasta ova dea eye So dey no can see notting An dey no can tink good.

Jeremiah 36:3

Maybe, wen da Judah peopo hear bout all da horraz I plan fo make happen to dem, dey still get chance, all dem guys can tell dey sorry cuz dey wen do bad kine stuff. If fo shua dey sorry, I goin let dem go, an hemo da blame fo all da bad kine stuff dey wen do.”

Jeremiah 5:21

‘Lissen up, you stupid peopo dat no tink! You guys get eyes, but you no can see. You guys get ears, but you no can hear.’ ”

Ezekiel 12:2

“Eh! Fo Real Kine Guy! You live wit one peopo dat erytime go agains me. Dey get eyes fo see, but dey no see, an ears fo hear, but dey no hear, cuz dey erytime go agains me.

Mark 8:18

You guys get eyes but no can see, an ears but no can hear. You guys foget awready, o wat?!

Luke 8:10

He tell, “God let you guys know all da stuff bout how he stay king. But I tell stories fo teach da odda peopo, az why jalike da Bible tell, ‘dey see, but dey no can see fo real kine. Dey hear, but dey no can hear fo real kine.’ ”

Jesus Guys 3:19

“So den, you guys gotta change how you tink an no do all da bad kine stuff you stay do befo time. You gotta stay tight wit God. Den he goin hemo yoa shame fo all da bad kine stuff you guys wen do.

Rules Secon Time 29:4

But still yet today Da One In Charge no give you da eyes fo see, o da ears fo hear. Az why you guys no undastan all dat.”

2 Timoty 2:25

Wen peopo go agains him, he gotta teach um da true stuff, an teach um nice kine. Den maybe God goin make dem change dea mind fo dem know da trut.

Hebrews 6:6

But dey tell “Laytas” to Christ. Den no way fo dem come sorry one mo time fo da bad kine stuff dey wen do, an come back togedda wit Christ. Cuz den, dem jalike dey wen kill God Boy on top one cross one mo time, an make him come shame in front erybody one mo time.