Mark 16:11 - Hawaii Pidgin Bible

¹¹ Wen dey hear dat Jesus stay alive, an dat Mary wen see him, dey no tink wat she tell stay fo real kine.

Mark 16:11 Iomraidhean Croise

Job 9:16

Even if I make him go in front one judge, an he go dea, I no stay shua he goin show up an lissen me.

Outa Egypt 6:9

So Moses tell da Israel peopo wat God tell. But dey no like lissen Moses, cuz inside, dey all hamajang from da hard kine presha dey get cuz dey slaves.

Matthew 28:17

Wen dey see him ova dea, dey go down an show um plenny love an respeck. But still had guys dat not shua yet.

Mark 9:19

Jesus tell, “You guys! Nowdays nobody trus God! How long moa, I gotta be wit you guys an take how you guys ack? Bring da boy ova hea!”

Luke 24:11

But dem guys, dey neva tink az fo real kine wat da wahines tell, cuz soun jalike dey wen make um up.

Luke 24:41

Dey still no stay shua az fo real kine, cuz dey all hamajang inside. Dey feel real good inside, but same time, dey stay all max out. He tell um, “You guys get someting fo eat?”

John 20:25

Dass why da odda guys tell um, “Eh, us guys wen see Da One In Charge, you know.” But he tell um, “If I no see da puka from da nails inside Jesus hands, an put my finga inside da puka in his side, no way I goin come shua he alive fo real kine!”