Mark 16:10 - Hawaii Pidgin Bible

¹⁰ So she go tell da peopo dat was wit Jesus befo time. Dey stay sad an crying.

Mark 16:10 Iomraidhean Croise

Matthew 19:22

Da young guy hear dat, he come real sad, an den he go way, cuz he get plenny rich stuffs dat he no like sell.

Matthew 24:30

“I da Fo Real Kine Guy. Dat time, da peopo goin see someting up dea inside da sky dat goin show dem dat I stay come. An all da diffren kine peopos all ova da world goin cry hard an come real sad. Den dey goin spock me, da Fo Real Kine Guy. I goin come on top da clouds inside da sky. I goin come wit powa an I goin be awesome!

Matthew 9:15

Jesus tell um, “Wat you tink? You go one wedding an make sad face an cry wen da guy dat stay get married stay dea? No way! Bumbye, da time goin come wen dey goin take away da guy dat stay get married, an den, dat time, his frenz goin skip food.

Mark 14:72

Right den an dea da roosta crow one mo time. Den Peter rememba wat Jesus wen tell, “Befo da roosta crow da secon time, three time you goin tell you donno who me.” An Peter broke down an cry real hard.

Luke 24:17

He go aks um, “Wat you guys stay talk bout now wen you walking?” Dey stan dea, an dey hang dea face.

John 16:6

I tell you guys dis stuff awready. Dass why you guys stay all sad an crying inside.

John 20:18

Den Mary from Magdala go an tell his guys, “Eh! I wen see Da One In Charge, az Jesus!” Den she tell um wat Jesus tell her.