Mark 13:2 - Hawaii Pidgin Bible

² Jesus tell, “You see all dese awesome buildings? Bumbye no goin get one stone on top da odda ova hea. Dey goin throw um all down.”

Mark 13:2 Iomraidhean Croise

Jeremiah 26:18

“Wen Hezekiah stay da Judah king, Micah from Moreshet wen talk fo God. He tell all da Judah peopo, ‘Dis wat Da One In Charge, da God Ova All Da Armies, tell: “Zion Hill wea da Temple stay goin come jalike one field somebody wen plow. Jerusalem town goin come jalike one big rubbish pile! Da hill fo da Temple goin come one hill wit plenny trees all ova.” ’

Daniel 9:26

“Afta da sixty-two times seven year, somebody goin kill da one dat God wen pick. He no goin get nobody his side. Goin get one leada dat goin come wit his army. Dey goin wipe out Jerusalem town an da Temple dat stay spesho fo God. Den da end goin come quick, jalike wen one flood come. Goin get war till da end, an erybody goin bag an eryting goin come wipe out.

Micah 3:12

Fo shua, cuz a you guys, Da peopo dat stay agains us goin plow Mount Zion jalike az one field. Jerusalem town goin come all bus up. Da hill wea da Temple Fo God stay, Goin get ony bushes all ova.”

Matthew 24:2

Jesus tell, “Eh, az right! An I like tell you guys dis too: You know all dis stuff? Bumbye no goin get one stone on top anodda stone ova hea. Eryting goin fall down.”

Luke 21:6

“You guys see all dis stuff? Bumbye no goin get one stone on top anodda. Eryting goin fall down.”

Jesus Guys 6:14

We hear him tell dat da guy Jesus from Nazaret goin broke down da Temple an goin change all da stuff Moses tell us fo do!”

Jesus Show 11:2

But no go measure da open lanai outside da temple, cuz God let da ones dat not his peopo take ova. Dey goin walk all ova Jerusalem, da town dat stay spesho fo God, fo three an a half year. (Dass 42 month, o 1,260 days, you know.)