Mark 10:4 - Hawaii Pidgin Bible

⁴ Dey tell, “Moses wen tell, ‘Gotta give da wife one paypa fo get one divorce, den can dump her.’ ”

Mark 10:4 Iomraidhean Croise

Isaiah 50:1

Dis one spesho message from Da One In Charge: “You guys tink yoa muddah get one divorce paypa Dat I wen make Fo tell dat I wen dump her an sen her away, o wat?! No mo da kine paypa cuz I neva do dat! You tink I owe somebody money An I sell you guys to dem fo pay dem, An az why now you dea slave?! I neva do dat too! Fo shua, I wen sell you guys, But ony cuz you wen do bad kine stuff! I wen sen away you guys muddah But ony cuz you guys go agains me!

Jeremiah 3:1

Da One In Charge tell dis: “If one guy dump his wife, An she go way from him an go marry anodda guy, Den no way he can go back an marry her one mo time. Cuz if he do dat, den da land wea he do um goin come all pilau. But you guys stay live Jalike one hoa dat fool aroun wit plenny guys. So how come you guys tink now you can come back by me?! No ways!” Dass da message from Da One In Charge.

Matthew 1:19

Joseph, da guy dat goin come her husban, he one guy dat do da right ting erytime, an he no like make her come shame in front da peopo. So he figga, “I no goin marry her, but I no goin tell nobody.”

Matthew 19:7

Dey tell him, “Den how come Moses tell, ‘Fo get one divorce, gotta give da wife one divorce paypa, den let her go’?”

Mark 10:3

Jesus tell um, “Wat Rule Moses wen give yoa ancesta guys bout dat?”