Mark 10:23 - Hawaii Pidgin Bible

²³ Jesus look aroun at his guys an tell, “Az why hard fo one rich guy fo get God fo his king!”

Mark 10:23 Iomraidhean Croise

Job 31:24

“I no trus my gold. An I no figga dat I stay strong an okay cuz a my gold.

Matthew 18:3

He tell, “I tell you guys dis fo shua: If you guys no change an start fo tink jalike one litto kid, no way God in da sky goin be yoa King.

Mark 10:15

Dass right! An I like tell you dis too: Da guy dat not jalike one small kid inside, God no goin be his King.”

Mark 10:22

Da guy hear dat, an he come real sad. He go way, cuz he get plenny rich stuffs dat he neva like sell.

Mark 3:5

Jesus look at all da peopo real good. He stay real huhu. Same time, he feel sad cuz dey hard head. Den he tell da guy, “Stick out yoa hand.” An da guy stick um out, an da hand come good.

Mark 5:32

Jesus look aroun fo see who wen touch him.

Luke 18:24

Jesus look at him an tell, “Az why hard fo one rich guy fo get God fo his king!

John 3:5

Jesus tell him, “Dass right! An I tell you dis too: Whoeva not born one mo time from watta an from God Spirit, dey no can get God fo dea king.

1 Corint 1:26

Eh, my braddahs an sistahs! Fo undastan wat I mean, tink bout wat wen happen wit you guys, da time God wen tell all you guys fo come be his spesho peopo. If you tink da way da peopo inside da world tink, no mo plenny guys dat get plenny smarts wit you guys, o get da kine powa fo make odda peopo do wat dey like fo um do. No mo plenny guys wit you guys dat come from one big name ohana.

James 2:5

Eh, my good frenz! Lissen! Get peopo inside dis world, an odda peopo tink dey notting, jus cuz dey pooa peopo. But dass da ones dat God pick fo come his peopo, aah? So dey trus him plenny, jalike dey rich inside. Cuz God da King, an dey jalike his kids. He goin give dem all da good kine stuff dat he promise awready to all da peopo dat get love an aloha fo him.

James 4:4

You guys, jalike you go fool aroun behind God back! An you guys ack jalike you neva know dis: Whoeva love da bad kine stuff inside da world, fo real, dat guy stay agains God! So, whoeva come frenz wit all da bad kine stuff inside da world, dat guy show dat he stay agains God fo shua!

2 Peter 1:11

Den, God goin give you guys someting real awesome. He goin give you da right fo get Jesus Christ fo be yoa King, foeva an eva! Jesus Da One In Charge a us guys. Him da One dat hemo all da bad kine stuff we stay in.