Malakai 2:3 - Hawaii Pidgin Bible

³ Cuz a wat you guys do, I goin tell da ones dat come from you guys az wrong wat dey do. I goin take da doodoo from da guts a da animals dat you kill fo da spesho religious ceremonies an rub um all ova yoa face. Den da pries guys goin throw you guys out wit da opala from da sacrifices.

Malakai 2:3 Iomraidhean Croise

1 Kings 14:10

“ ‘Cuz you do all dat, dis wat I goin do. I goin punish all da Jeroboam ohana. I goin wipe out ery man from da Jeroboam ohana inside da Israel land. No matta dey slaves o dey not slaves. I goin burn up all da Jeroboam ohana peopo, jalike peopo burn up all da rubbish, till no mo nobody.

Job 20:7

Dey goin come wipe out foeva, jalike da doodoo dey make. Da peopo dat see dem befo time goin tell, ‘Wea dey stay?’

Songs 47:5

Wen God go up fo sit on top his throne, Erybody yell. Da One In Charge, Wen he go up dea, Peopo blow da sheep horn trumpet.

Songs 83:10

Da time oua peopo Wen wipe dem out nea Endor, An da mahke bodies wen rot An come jalike manua Fo da groun ova dea.

Outa Egypt 29:14

All da odda meat from dat bull, an da skin, an eryting from inside da guts, take um outside da camp. Burn um all up ova dea, cuz dass da sacrifice fo da bad tings da pries guys wen do.

Jeremiah 8:2

Dey goin put da bones on top da groun so da sun, da moon, an all da stars inside da sky goin shine on top um cuz da sky kine gods, az da ones da Jerusalem peopo get love an aloha fo an work fo. Dey follow da sky kine gods, an dey aks um wat fo do, an dey go down in front um fo show um respeck. No mo nobody goin pick up da bones fo bury um. Dey goin stay on top da groun jalike dey rubbish.

Joel 1:10

Wasted da fields, An poho da groun. Da wheat an barley stay all wasted. Da juice fo make wine all dry up. No good, da olive oil.

Joel 1:17

Da seeds stay all dry up unda da dirt. Da wheat an barley plants stay all dry up. Da storage places fo food, An fo da wheat an barley, stay all bus up.

Prieses 26:16

If you guys make lidat, den fo shua I goin do dis to you guys: Right den an dea I goin make you guys come real sked. I goin give you guys da kine sick dat you no goin come good, an wit fever dat goin make you guys eyes come so you no can see, an make you guys weak, an den you goin mahke. You guys goin plant seed fo notting, cuz da peopo dat stay agains you guys goin eat da food dat grow dea.

Nahum 3:6

I goin throw opala all ova you, Fo show you no worth notting, An make you somebody fo erybody look at.

Malakai 2:9

An I goin make erybody tink you guys pilau, an make you guys come shame. Cuz wit you guys, no mo nobody do da tings da way I tell um fo do um! Wen you guys teach da peopo wat da Rules From God mean, you tell um diffren kine fo diffren peopo!” Dass wat Da One In Charge, Da God Ova All Da Armies, tell.

Luke 14:35

Dat kine salt no good fo even da dirt o da manua pile. Ony ting can do, throw um away. If you guys hear dis, den lissen up real good!”

1 Corint 4:13

Wen dey talk bad bout us, we talk good to dem. Dey tink us guys pilau. We jalike da rubbish from da world dat dey like throw way.

Rules Secon Time 28:38

“You guys goin take plenny seeds fo plant inside yoa field, but you ony goin harves litto bit food cuz da locust kine grasshoppas goin eat um up.