Luke 8:54 - Hawaii Pidgin Bible

⁵⁴ But Jesus take her hand an tell, “Eh litto girl, sit up!”

Luke 8:54 Iomraidhean Croise

Jeremiah 31:32

No goin be jalike da deal I wen make wit dea ancesta guys, Da time I wen take dea hand An pull um outa Egypt. Cuz dey wen broke dat deal I wen make wit dem, No matta I get da right fo tell dem wat fo do.”

Matthew 9:25

He sen um all outside. Den he go inside, an hold da girl hand, an she come back alive.

Mark 1:31

Jesus go an take her by da hand an pull her up. Right den da feva pau, an her give dem food.

Mark 8:23

He take da blind guy by da hand, an dey go outside dat small town. Jesus spit on da guy eyes, an put his hands on top him, an tell him, “Wat you see now?”

Mark 9:27

But Jesus take da boy hand, an pull um up. An da boy stan up.

Luke 8:51

Wen Jesus come Jairus house, he ony let Peter, John, an James, an da faddah an muddah go inside wit him, an no odda peopo.

Luke 8:53

An dey all laugh an make fun a him, cuz dey know she mahke.

Luke 8:55

Right den an dea her life come back an she sit up. Den Jesus tell her faddah an muddah, “Give her someting fo eat.”

John 11:43

Afta he tell dat, he talk real loud, “Lazarus, come outa dea!”

John 5:21

My Faddah bring back da mahke guys an make um live. Same ting, me, cuz I his Boy, I can make anybody I like come back fo live one mo time.

Jesus Guys 9:40

Peter tell um all fo go outside. Den he go down on his knees an pray. He turn aroun by da mahke wahine, an tell, “Eh Tabita! Stan up!” She open her eyes, spock Peter, an sit up.

Rome 4:17

God tell inside da Bible befo time, “I make you da faddah fo plenny diffren kine peopos.” Fo shua God goin make dat promise solid, an God, he da One dat Abraham wen trus. God da One dat make peopo come back alive afta dey mahke. An he da One dat can tell fo make someting dat neva was befo time.