Luke 8:2 - Hawaii Pidgin Bible

² An befo time Jesus make some wahines come good from da bad kine spirits an all kine sick. Dey all go too: Mary da Magdala wahine, dat had seven bad kine spirits dat take ova her befo time, but Jesus make um no bodda her no moa.

Luke 8:2 Iomraidhean Croise

Matthew 4:24

Erybody hear bout him, from dea all ova Syria side. Dey bring all da peopo wit all kine sick by him: erybody dat hurt, an suffa plenny, da peopo dat get bad spirits dat take ova dem, peopo dat shake an roll all ova, an peopo dat no can move. An Jesus make um all come good.

Mark 16:1

Afta da Res Day pau, Mary from Magdala, James muddah Mary, an Salome, dey buy perfume fo put um on top Jesus body.

Mark 16:9

Afta get light da firs day in da week, wen Jesus come back alive, he show up firs by Mary from Magdala. (Her da one, befo time Jesus wen make seven bad kine spirits no bodda her no moa.)

Luke 23:27

Plenny peopo stay walking behind Jesus, an some wahines stay crying. Dey real sad inside cuz a wat stay happen.

Luke 23:49

All da guys dat wen know Jesus, an da wahines dat wen come dea wit him all da way from Galilee side, dey stay stand far away fo watch all da stuff dat stay happen.

Luke 23:55

Da wahines dat stay tight wit Jesus from Galilee side, dey go wit Joseph, an see da tomb, an how dey put Jesus mahke body inside.

Luke 8:30

Jesus tell da guy, “Wat yoa name?” He tell, “My name ‘Army.’ ” He tell dat cuz uku pile a bad kine spirits wen take ova him.

John 19:25

Had Jesus muddah standing by da cross wit her sistah, an Mary, Clopas wife, an Mary from Magdala.

Jesus Guys 1:14

Plenny times dey all pray togedda, wit da wahines, an Jesus muddah Mary an his braddahs.