Luke 7:38 - Hawaii Pidgin Bible

³⁸ She stan behind Jesus by his feets. She stay cry, an her tears make his feets wet. Den she wipe his feets wit her hair, kiss um, an pour da perfume on top dem.

Luke 7:38 Iomraidhean Croise

Start 18:4

I goin tell one a da worka guys fo get litto bit watta fo wash you guys feets fo you guys lay down an res litto bit unda da tree.

Ezra 10:1

All dat time Ezra stay pray fo tell God dat no was right wat dey wen do. He stay cry an throw his body down on top da groun in front da Temple Fo God. Uku pile a Israel peopo come by him, guys an wahines an kids. Dey stay cry plenny too.

Songs 38:18

But I goin tell you dis fo real kine: “I wen do bad tings. Now, I real sorry cuz a wat I wen do.”

Songs 51:17

Eh God, dis da kine sacrifice you like: You like me feel all bus up inside Wen I do one bad kine ting. Wen I stay bus up an sore inside Cuz I wen do someting dass no good, You no goin tell I good fo notting.

Teacha 9:8

Erytime, wear nice clotheses, an no hold back fo put olive oil on top yoa head.

Love Song 1:3

Nice, how you smell. Wen peopo use yoa name, az jalike dey stay pour out perfume kine oil. Az why all da young wahines love you!

Isaiah 57:9

You guys, az how you stay make! Jalike dat wahine wen go By da idol kine god Molek An give him olive oil fo one present. She use all diffren kine perfume. She sen her messenja guys far away Fo find new idol kine gods— Even far, like down to da Mahke Peopo Place! An you guys do da same ting.

Isaiah 61:3

Da One In Charge sen me fo help da peopo Mount Zion side Dat stay sad inside. He tell me fo give dem One nice haku lei fo put on top dea head, An take away da ashes. An make dem stay feel good inside wit perfume Fo dem no stay sad inside no moa. He sen me fo give um one nice robe fo wear Dat make erybody like tell, “Da One In Charge, da greates!” So dea spirit no feel jalike dey lose fight no moa. Dey goin show dat Da One In Charge make dem get um right wit him, Jalike dey strong oak trees dat Da One In Charge wen plant Fo show how awesome he stay.

Jeremiah 31:9

Dey goin cry all da way hea, An wen I lead dem, dey goin pray plenny. I goin bring dem by da streams dat get plenny watta inside dat time, On top one easy fo go road Wea nobody goin trip an fall down. Cuz I da faddah fo da Israel peopo, An da Efraim ohana, dey jalike my numba one boy.

Joel 2:12

Da One In Charge tell, “No matta I stay come awready, Go all out fo come back to me! No eat so you can pray. Cry, an stay sad inside.”

Zekariah 12:10

“Me, Da One In Charge, goin make da David ohana an da Jerusalem peopo like do good kine stuff fo odda peopo, an dey goin pray to God fo help dem too. Dey goin look me, da guy dey wen stab. Dey goin stay real sore inside, jalike somebody stay sore cuz dea firs boy dat born wen mahke.

Matthew 5:4

“Da peopo dat cry inside, Dey can stay good inside Cuz God goin kokua dem.

Luke 22:62

Den Peter go outside an cry real hard.

Luke 6:21

You guys dat stay hungry now, You can stay good inside Cuz you goin come full! You guys dat cry now, You can stay good inside Cuz you goin laugh!

Luke 7:37

Had one wahine from dat town dat do bad kine stuff an fool aroun. She hear dat Jesus stay sit inside da Pharisee guy house, an she bring one bottle da kine dey make from da alabaster kine stone, full wit perfume.

Luke 7:39

Wen da Pharisee guy dat tell um fo come see dat, he tink, “Eh, if dis guy was one guy dat talk fo God fo real kine, den he know wat kine wahine stay touch him. He know she one wahine dat do bad kine stuff.”

James 4:9

Dat mean, you guys gotta come real sorry, an suffa inside, an cry hard. No laugh no moa, an start fo cry. No feel good inside, but come real sore inside long time.