Luke 7:30 - Hawaii Pidgin Bible

³⁰ But da Pharisee guys an da teachas dat teach da Rules From God, dey neva do wat God like dem fo do, an dey neva like fo John baptize dem.

Luke 7:30 Iomraidhean Croise

Smart Guys 1:25

I wen tell you guys wass good fo you An you foget awready. I wen tell you fo real kine wass wrong, An you guys neva like dat.

Jeremiah 8:8

Da One In Charge tell: “How come you guys tell, ‘Us smart! Us guys know wat fo do erytime, Cuz we get da Rules from Da One In Charge!’ ”? But you know wat?! Da guys dat teach my Rules, Dey use wat dey write fo bulai you guys!

Matthew 22:35

One teacha dat teach da Rules From God aks him one question fo try trick um.

Luke 13:34

“Wassamatta you peopo inside Jerusalem?! You wen throw rocks an kill da guys dat talk fo God befo time. Plenny times I wen like bring all yoa kids togedda, jalike one muddah hen bring togedda her chicks unda her wings, but you guys no like come by me!

Luke 20:6

But if us tell, ‘Da peopo give um da right,’ den all da peopo goin throw stones fo kill us, cuz dey figga fo shua dat John wen talk fo God.”

Luke 7:31

Jesus tell, “But da peopo nowdays, how dem?

Jesus Guys 20:27

Cuz I no sked fo tell you guys all da stuff God like fo you guys do.

Rome 10:21

But fo da Israel peopo, he tell bout dem: “All day I stay wave my hands, Fo da Israel peopo come by me, But dey no like lissen. Dey ony like do wat dey like do.”

2 Corint 6:1

Cuz us guys stay work togedda wit God, we like give you guys good kine words: No let all da good kine stuff God wen do fo you guys stay fo notting.

Galatia 2:21

I no goin tell all da good tings God wen do fo us guys good fo notting. If us ony get um right wit God cuz we do wat da Rules tell us guys fo do, den poho Christ wen mahke fo us.

Efesus 1:11

An cuz us guys stay tight wit Christ, an God wen pick us from befo time fo come his kids, he stay give us all da tings he wen promise fo give us. He make eryting jalike he wen figga befo time. God, he da One dat can make eryting happen how he like happen.