Luke 7:2 - Hawaii Pidgin Bible

² One captain fo da Rome army guys ova dea get one sick worka guy. Da captain get plenny love an aloha fo him, an da guy litto mo mahke.

Luke 7:2 Iomraidhean Croise

Start 24:27

He tell, “I like tell dis: Da One In Charge, he da God fo my boss guy Abraham. He make eryting come out good fo Abraham, fo shua! God no broke his promise fo stay tight wit my boss an do wat he tell he goin do. An same ting fo me too, Da One In Charge show me wea fo go, strait to da peopo from my boss guy ohana, jalike I suppose to do!”

Start 35:8

Dat time, Deborah mahke. Her da wahine wen take kea Rebecca from small bebe time. Dey bury her unda da big tree nea Bethel. Dey give dat tree da name Allon-Bakut, dat mean “Da Oak Tree Wea Peopo Cry,” dea language.

Job 31:5

“Fo shua, I no live da way dat worth notting, An I no rush fo bulai somebody.

Smart Guys 29:21

If one young guy work fo you, An you make um real easy fo him do wateva he like, Bumbye he goin give you attitude.

Matthew 27:54

So da captain fo da army guys an his guys dat guard Jesus, dey see da groun stay shaking. Dey see all da stuff dat happen. Az why dey come real sked, an tell, “Fo shua, dis was God Boy!”

Luke 23:47

Da captain fo da army guys see wat happen, an he tell good stuff bout God. He tell, “Fo shua, dis guy neva do notting wrong!”

Luke 7:1

Wen Jesus pau teach da peopo all dat stuff, he go Capernaum town.

Luke 7:3

Da captain hear bout Jesus, an he sen some older Jew leadas by him, fo tell him fo come an make his worka guy come good.

Luke 8:42

cuz his ony girl, bout twelve year ol, litto mo mahke ova dea. Wen Jesus stay go, get plenny peopo stay jam him.

Jesus Guys 10:1

Had one guy Cornelius Cesarea side. He da captain fo six hundred Rome army guys from Italy.

Jesus Guys 10:7

Wen da angel guy go way, Cornelius call two a his worka guys an one army helpa guy. Da helpa guy pray an get respeck fo God too.

Jesus Guys 22:26

Wen da captain hear dat, he go an tell da main captain, “Wat you goin do? Dis guy get da same rights jalike da Rome peopo!”

Jesus Guys 23:17

Den Paul tell one a da captains fo come an he tell him, “Take dis young guy by da main captain. He get someting fo tell him.”

Jesus Guys 27:1

Da leadas tell us goin ride boat Italy side, an dey turn ova Paul an some odda prisona guys to one captain Julius from Cesar army guys.

Jesus Guys 27:3

Da nex day we come Sidon, an we go on top da land. Julius like do someting good fo Paul, an he let um go by his frenz fo dem take kea him.

Jesus Guys 27:43

But da captain like take Paul outa dea alive, az why he neva let da army guys take ova da prisonas. He tell da guys dat can swim fo jump ova inside da ocean firs an swim to da land.

Colosse 3:22

Eh, you slave guys, lissen yoa boss erytime down hea inside dis world. No ack jalike you stay working in front dem, ony fo look good, an cuz you like make da peopo tink you do good kine work. You gotta go fo broke fo work hard cuz you get plenny respeck fo Da One In Charge.