Luke 7:19 - Hawaii Pidgin Bible

¹⁹ an tell dem fo go by Jesus, Da One In Charge, an aks him, “Eh, you da guy suppose to come, o wat? O we suppose to wait fo anodda guy fo come?”

Luke 7:19 Iomraidhean Croise

Start 22:18

All da diffren peopos all ova da world, bumbye wen dey tink bout da peopos dat come from you, dey goin tell, ‘God do good tings fo us, cuz a da Abraham ohana!’ Dey goin tell dat, cuz today, you wen do wat I tell you fo do.”

Start 3:15

From now on, you an da wahine, I goin make you guys stay agains each odda. Yoa kids an her kids, Dey goin stay agains each odda too. One a dem goin wack yoa head, An you goin bite him on da heel a his feet!”

Start 49:10

Judah guys goin carry da spesho stick fo show peopo dey da king, Da Judah ohana goin keep dat stick foeva. Till da real owna show up Dass goin be da one Dat da odda peopos goin do wat he tell um fo do.

Isaiah 11:1

Somebody goin come from da Jesse ohana Jalike one new branch come out from one tree stump.

Isaiah 7:14

Cuz a dat, my Boss goin give you guys one sign. Dis da sign: goin get one young wahine dat neva sleep wit one guy, but layta she goin come hapai, an bumbye dat wahine goin born one boy. She goin call him ‘Immanuel,’ dat mean, ‘God stay wit us guys.’

Micah 5:2

But you peopo from da Efratah ohana Betlehem town, No matta peopo tink da tousans a odda Judah guys Mo importan den yoa ohana! But az Betlehem wea da guy goin come from, Dat goin lead da Israel peopo fo me! He stay from befo time, long time awready.

Haggai 2:7

I goin shake up all da diffren nations. Da rich kine stuffs from all da nations goin come hea. An I goin make dis Temple come real awesome. Az wat me Da One In Charge, Da God Ova All Da Armies, tell.

Zekariah 9:9

Stay good inside, my Zion peopo! Yell, my Jerusalem peopo! Look! Yoa king stay come by you! He erytime do da right ting. He get you guys outa trouble! He make nice kine to erybody, An stay ride on top one donkey, even one young donkey.

Malakai 4:2

But fo you guys dat feel real sked Wen you tink bout wat kine god me, Erybody goin see fo real kine wat stay right, Jalike wen da bright sun come up An you can see eryting mo clear. An dass goin make all you guys feel good. Den, you guys goin run aroun an jump, Jalike wen peopo let da bebe cows outa da pen!

Mark 6:7

He call his twelve guys togedda, an sen um out two by two. He give um da powa fo make da bad kine spirits no bodda da peopo no moa.

Luke 10:1

Afta dat Jesus, Da One In Charge, pick seventy-two odda guys dat he like sen out two by two, fo dem go befo him, ery town an place wea he goin go bumbye.

Luke 11:1

One time Jesus stay pray in one place. Wen he pau pray, one guy he stay teach tell um, “Boss, teach us guys how fo pray, jalike John wen teach his guys.”

Luke 11:39

An Jesus, Da One In Charge, tell him, “You know, you Pharisee guys, jalike you guys clean ony da outside a da cup an da plate. But inside you, stay full a bad kine stuff, an you like stash eryting fo ony you!

Luke 12:42

Den Jesus Da One In Charge tell, “If get one luna guy dat smart an his boss trus him, dass da guy his boss goin put um in charge a da odda worka guys, fo give um dea food da right time.

Luke 13:15

Jesus, Da One In Charge, tell um, “You guys tell one ting an do anodda! All you guys hemo yoa cow o yoa donkey from da fence an lead um out fo get watta on da Res Day.

Luke 17:5

Da guys dat Jesus, Da One In Charge, like sen all ova tell him, “Help us guys trus God moa.”

Luke 17:6

Da One In Charge tell, “If you trus God litto bit jalike one small mustard seed, you can tell dis mulberry tree, ‘Pull yoa roots up an go plant um in da ocean,’ an da tree goin do um.”

Luke 18:6

Den Jesus, Da One In Charge, tell his guys, “Tink bout wat da judge tell, dat neva like do da right ting.

Luke 19:8

Zakkeus stan up an tell da Boss Jesus, “Look, you Da One In Charge! I goin give half a my stuffs to da peopo dat no mo notting, an whoeva I wen rip off, I goin pay um back four times mo den wat I wen get.”

Luke 22:61

Jesus, Da One In Charge, wen turn an look at Peter. Den Peter no foget wat Da One In Charge wen tell him, “Befo da roosta crow tonite, you goin tell three time you donno me.”

Luke 24:34

Da eleven guys tell, “Jesus, Da One In Charge, wen come back alive, fo shua! Simon wen see him!”

Luke 7:13

Da Boss Jesus spock her, an he get pity fo her. He tell, “No cry now.”

Luke 7:20

Wen dey come by Jesus dey tell, “John Da Baptiza guy wen sen us by you fo aks, ‘Eh, you da guy suppose to come, o us suppose to wait fo anodda guy fo come?’ ”

John 4:1

Da Pharisee guys hear dat Jesus stay baptize mo peopo den John, an dat all da peopo go wit Jesus.

John 4:25

Da wahine tell, “I know fo real da Messiah goin come, da Christ Guy, da Spesho Guy God Goin Sen. Wen he come, he goin tell us eryting.”

John 6:23

Dey know too dat odda boats from Tiberias side come land dat side, nea da place wea Jesus Da One In Charge tell God “Mahalo plenny” an dey eat da bread.

Joshua 2:1

Da Canaan peopo neva know, but Joshua, Nun boy, sen two guys from Koa Tree Town fo scope out da land, fo find out how stay. He tell um, “Go find out how da land stay, da odda side Jordan. Scope um out. Jericho da main town us guys need fo know bout.” So dey go ova dea. Dey go by one hoa. Her name, Rahab. Dey stay dea.

Jesus Show 11:3

“Goin get two guys. I goin give dem da powa fo talk fo me fo all dat time. Dey goin put on burmbag kine clotheses fo show dat dey stay cry inside.”