Luke 6:48 - Hawaii Pidgin Bible

⁴⁸ He jalike da guy dat stay build his house, an dig deep an put da foundation on top da rock. Den da big watta come, an poun da house, but no can shake um, cuz he make um good.

Luke 6:48 Iomraidhean Croise

2 Samuel 22:2

He tell: “Da One In Charge, he make shua notting bad happen to me, Jalike he one cliff wea I can hide, an one mountain place wea nobody can come dea. He da One stay get me outa trouble.

2 Samuel 22:32

Cuz no mo anodda god dass fo real. Da One In Charge, he da ony God! No mo anodda god dat stay strong Jalike he one big solid rock. Oua God, he da ony one!

2 Samuel 22:47

“Da One In Charge, he stay alive fo real! An I like erybody tell how plenny good tings he wen do, Cuz he jalike one big solid rock wea I can hide! He da God dat get me outa trouble, An I like erybody tell, ‘God, he awesome!’

2 Samuel 22:5

“Was jalike da ocean waves come aroun me fo kill me, Jalike da ocean current dat can wipe me out, make me sked so I no can handle.

2 Samuel 23:3

Da God fo da Israel peopo, he talk. Him, jalike one big cliff wea da Israel peopo can hide. “He tell me: ‘Anybody dat lead da peopo an do wass right, An lead um cuz he get choke respeck fo God,

Songs 32:6

Cuz a dat, I like tell dis: All da peopo dat stay tight wit you, Good dey pray to you Erytime dey get trouble. Jalike wen da big flood come down, An no hit dem.

Songs 62:2

He da ony one dat stay Jalike one big rock wea I can hide, An he get me outa trouble. He jalike one strong wall fo me. Nobody goin make me Fall down real hard.

Songs 95:1

Eh! Us guys yell to Da One In Charge, Cuz us stay good inside! Us goin make big noise Fo da One dat stay strong Jalike he one big rock, Da One dat get us guys outa trouble!

Smart Guys 10:25

Jalike afta da hurricane hit, Trouble come, an all da bad peopo, gone awready! But da peopo dat stay pono, Dey da ones stay solid an strong, Foeva kine.

Isaiah 26:4

Trus Da One In Charge foeva an eva, Cuz if you stay tight wit oua God, Dass Da One In Charge a us, Jalike you get one strong an solid rock dat stay foeva.

Isaiah 28:16

Cuz dass how you guys tink, Da One In Charge a me tell dis: “Dis, wat I do! I da One goin put one stone on top da Zion hill Wea my Temple stay. One fo shua solid kine stone. Dat stone, jalike da corna block. Dass real importan Fo make da foundation stay solid. An da stone mean dis: ‘Anybody dat trus him, no need worry.’

Isaiah 59:19

Da peopo from da west side, Dey goin get respeck fo Da One In Charge Wen dey find out wat kine god him. From da east side, wea da sun come up, Dey goin get respeck fo him Wen dey see how awesome he stay. Wen Da One In Charge come, Goin come jalike one flood inside one small gulch, An wit one strong wind from Da One In Charge Dat goin make um move fas.

Nahum 1:8

But he goin wipe out da Nineveh peopo, Jalike wen one big flood come. He goin chase da peopo dat stay agains him, An make dem run inside one dark place.

Luke 6:47

I goin show you guys how da guy stay dat come by me, an lissen wat I tell um fo do, an he do um.

Luke 6:49

But da guy dat hear wat I tell an no do um, he jalike da guy dat build his house on top da groun, but no mo foundation. Da big watta poun um, an dat house fall down an bus up.”

John 16:33

“I tell you guys all dis stuff fo notting bodda you, cuz you guys stay tight wit me. Da peopo inside da world goin make you guys suffa. But come strong! I da winna ova all da powa inside da whole world!”

Jesus Guys 14:22

Dey give good kine words to da peopo dat stay tight wit Jesus fo help um stick wit da Good Stuff Bout Jesus fo dem trus Jesus. Dey tell, “Us guys gotta suffa plenny befo us guys see God come oua king.”

Efesus 2:20

Dass jalike God wen build one house. Da guys he wen sen all ova fo tell da peopo da Good Stuff bout him, an da guys dat wen go talk fo him, dey jalike da foundation. An you guys, jalike he build you guys togedda on top um. An Jesus Christ, he jalike da corna block.

Rules Secon Time 32:15

But Jeshurun, az da Israel peopo Dat stay do wass right, Dey wen come real fat an do Ony wat dey like do. Eh, I stay talk bout you Israel peopo! You guys eat too much an come real fat. You wen bag from da God dat wen make you. Da One dat stay solid jalike one big stone Da One get you guys outa trouble, But you guys tink he stupid, an bag from him.

Rules Secon Time 32:18

You guys wen bag, an go way from da real God Dass jalike da Rock fo you guys, An da One dat stay jalike yoa Faddah. You guys foget da God dat wen bring you guys inside dis world.

Rules Secon Time 32:31

Cuz dea gods dat stay strong jalike one rock Fo da guys dat stay agains us guys, Dey not strong like oua Rock! Even da guys dat stay agains us know dat!

2 Timoty 2:19

But you know wat? Da stuff God stay do stay solid, jalike one building dat get one solid foundation undaneat an no can move, aah? An on top dat foundation, get one sign dat tell two tings. One side tell, “Da One In Charge, he know all his peopo!” An da odda side tell, “Whoevas tell, ‘I stay tight wit Da One In Charge a me,’ Dey betta not do someting dat not pono!”

2 Peter 1:10

So den, my braddahs an sistahs, go all out mo den befo time fo show dat God wen pick you guys. He wen tell you fo come be his guys, an you guys wen do um. Now, make shua you guys live lidat. Den you guys no goin come all jam up, eva.

1 John 2:28

So now, my good frenz, stay tight wit Jesus. Den wen he come back, us no need come sked o shame in front him.

Jude 1:24

God, da One dat keep you guys tight wit him an help you no do da bad kine stuff. He awesome, He bring you guys in front him, Da awesome One, He no poin finga you, An you goin stay real good inside.

1 Samuel 2:2

“No mo anodda god dat mo awesome an spesho den you, Da One In Charge! You da One, da ony One! You oua God, an you stay solid, jalike da bigges rock! No mo any odda god dat stay solid jalike you!