Luke 6:26 - Hawaii Pidgin Bible

²⁶ Bummahs wen erybody talk good bout you guys! Cuz you know, long time befo time dea ancesta guys wen talk good bout da fake guys dat tell dey talk fo God but dey neva.”

Luke 6:26 Iomraidhean Croise

Smart Guys 27:21

Fo find out if silva an gold good o no good, Gotta melt dem inside da fire. Fo find out if one guy good o no good, Gotta see how he ack Wen peopo stay tell good tings bout him.

Isaiah 30:10

Dey tell da guys dat can see Wass goin come bumbye, jalike one dream, ‘No see stuff wen you dream!’ Dey tell da guys dat talk fo God, ‘No tell us wat God tell Bout wat stay right! Tell us ony da kine stuff dat make us feel good inside. Tell us dat God tell all nice kine stuff, No matta az not true!

Jeremiah 5:31

Da guys dat tell dey talk fo God, Wateva dey tell, dey bulai. Da pries guys make da kine rules dey like. An my peopo like fo eryting stay lidat. But how you guys goin handle Wat goin happen cuz a dat, aah?”

Micah 2:11

If one guy come bulai you guys an tell, ‘I goin tell you guys wat God tell me— You guys goin get plenny wine an beer.’ Dat bulaia kine guy goin be da kine talka guy dat you guys like!”

Matthew 7:15

“Watch out fo da guys dat tell dey talk fo God an teach stuff dass not true. Dey ony bulaias. Dey come by you guys an ack all good kine, but fo real kine, inside dey like eat you up, jalike dey wild dogs dat try fo look jalike dey sheeps.

Luke 6:25

Bummahs you guys dat stay full now! You goin come hungry! Bummahs you guys dat laugh now! You goin come real sad an cry!

John 15:19

But you guys no do da same ting dat da odda guys inside da world do, cuz you not one a dem. Dey no mo love fo you guys, cuz you no stay jalike dem. I wen pick you guys fo come outa da bad kine stuff inside dis world. Dass why dey hate you guys.

John 7:7

Da peopo inside da world, dey no goin hate you guys. But dey hate me, cuz I tell um dat da kine stuff dey stay do, az real bad kine stuff!

Rome 16:18

Dey no work fo Jesus Christ, Da One In Charge a us guys. Dey ony work fo get tings dat dey like ony fo dem. Dey talk nice kine to da peopo dat donno wat stay good an wat stay bad still yet. Dey tell dose peopo da kine stuff dey like hear fo bulai um.

James 4:4

You guys, jalike you go fool aroun behind God back! An you guys ack jalike you neva know dis: Whoeva love da bad kine stuff inside da world, fo real, dat guy stay agains God! So, whoeva come frenz wit all da bad kine stuff inside da world, dat guy show dat he stay agains God fo shua!