Luke 6:21 - Hawaii Pidgin Bible

²¹ You guys dat stay hungry now, You can stay good inside Cuz you goin come full! You guys dat cry now, You can stay good inside Cuz you goin laugh!

Luke 6:21 Iomraidhean Croise

Start 17:17

Den Abraham go down an put his face on top da groun fo show respeck to God. But he laugh same time, cuz inside, he stay tink, “No way! How can?! Me, one hundred year ol, an Sarah, ninety year ol. How us can get kids?!”

Start 21:6

Sarah, she tell, “God make me feel good inside. An I can laugh now, Cuz I get one bebe! Erybody dat find out bout dis goin feel good an laugh jalike me!

Songs 107:9

Cuz Da One In Charge Give da thirsty peopo wat dey need. He fill up da hungry peopo Wit good kine stuff.

Songs 119:136

I cry real plenny, Jalike get ditch watta Stay come outa my eyes. Cuz get peopo dat no do Wat yoa Rules tell.

Songs 143:6

I put up my hands an pray to you, Jalike da dry groun dat need watta. Az how I like stay tight wit you! (Time out fo da music.)

Songs 17:15

But me, I goin see you fo real kine Cuz I get um right wit you. Bumbye, wen I wake up, I goin see you right dea wit me, An dass goin be enuff fo me!

Songs 28:7

Da One In Charge, he da One make me strong, An he jalike one shield fo no mo notting hurt me. Inside I trus him. Da One In Charge wen give me powa. He wen help me, an I stay good inside. I like how awesome he stay Dass why I sing dis to him

Songs 65:4

Anybody you pick an bring um nea you Fo dem make house Nex to yoa Temple, Dey can stay good inside. Az fo shua! Az good, us come yoa house, Da place dat stay spesho fo you— Us no goin need notting moa.

Isaiah 25:6

On top dis mountain, Jerusalem side, Da One In Charge, Da God Ova All Da Armies, He goin make one big luau fo all da diffren peopos. Goin get da bestes kine food, All da bestes kine wine, An good kine meat wit plenny good stuff inside da bone, Ol kine wine dat no mo junks awready.

Isaiah 30:19

Cuz you peopo dat live inside Jerusalem town, You no goin cry no moa. Wen you guys yell to Da One In Charge fo help you, He goin do um. Fo shua he goin do good tings fo you. He goin hear you guys, An right den an dea he goin help you.

Isaiah 66:10

“All you peopo dat get love an aloha Fo da Jerusalem peopo, Dance an sing wit dem An stay good inside! Show erybody how you feel good jalike dem, No matta befo time you wen stay sad inside.

Jeremiah 13:17

But if you no lissen wat I tell, I goin go hide an cry, Cuz you guys ack high makamaka. I goin cry real hard wit plenny tears, Cuz da peopo a Da One In Charge all goin come prisonas.

Jeremiah 31:25

Erybody dat come weak cuz dey thirsty, I goin give um plenny fo drink. Erybody dat feel jalike dey goin fall down cuz dey hungry, I goin feed dem plenny.”

Jeremiah 31:9

Dey goin cry all da way hea, An wen I lead dem, dey goin pray plenny. I goin bring dem by da streams dat get plenny watta inside dat time, On top one easy fo go road Wea nobody goin trip an fall down. Cuz I da faddah fo da Israel peopo, An da Efraim ohana, dey jalike my numba one boy.

Jeremiah 9:1

I like my head come jalike one spring fo watta, An my eyes jalike one fountain fo my tears come out! Cuz I like cry plenny, day time an nite time, Cuz plenny peopo get kill, an dey my peopo.

Ezekiel 7:16

Erybody dat still stay alive, dey goin run away to da mountains. Dey goin make sad kine noise jalike da valley kine doves cuz all dem wen do wass wrong.

Ezekiel 9:4

Da One In Charge tell him, “Go all ova Jerusalem town. Go find all da peopo dat stay make sad kine noise an stay crying cuz dey sore inside from all da pilau kine stuff erybody stay do ova dea. Go make one mark on top dem. Put um on top dea forehead.”

Matthew 5:4

“Da peopo dat cry inside, Dey can stay good inside Cuz God goin kokua dem.

Matthew 5:6

“Da peopo dat erytime fo real kine like do da right ting, Dey can stay good inside Cuz God goin help um do um.

Luke 1:53

He stay give da hungry peopo Good stuff fo eat, An he stay sen away da rich guys Wit notting.

Luke 6:20

Jesus look da guys he stay teach an tell, “You guys dat stay pooa now, You can stay good inside Cuz God, he yoa King!

Luke 6:22

“You guys can stay good inside wen da peopo hate you, an throw you out, an talk harsh kine to you, an tell you no good cuz a me, da Fo Real Kine Guy!

Luke 6:25

Bummahs you guys dat stay full now! You goin come hungry! Bummahs you guys dat laugh now! You goin come real sad an cry!

John 11:35

Jesus cry.

John 4:10

Jesus tell, “You donno wat God like give erybody, an you donno who me dat stay aks you fo da watta. Cuz if you know dat, den fo shua you goin aks me fo watta. An one mo ting, I can give you da kine watta dat make peopo live fo real kine foeva!”

John 6:35

Jesus tell, “Me, jalike da bread. I da One make da peopo come alive fo real kine. Anybody come by me fo be my guy, dey no goin come hungry eva! Anybody trus me, dey no goin come thirsty eva!

1 Corint 4:11

Even now we stay hungry, but we still no mo food an no mo notting fo drink. We ony get puka kine clotheses. Peopo beat us wit sticks. We no mo place fo stay.

2 Corint 11:27

I get hard time, an I wen bus ass. Plenny times I no can sleep nite time. I get hungry an thirsty, an had plenny times I no mo notting fo eat. I neva have clotheses, an I wen stay real cold.

2 Corint 12:10

So den, no bodda me. I still stay good inside, wen I no can handle, wen peopo try make me come shame, wen I get hard time, wen peopo make me suffa, an wen I get plenny presha. All dis stuff happen cuz me, I one Christ Guy. Wen I no can handle, den I get da powa fo handle cuz a him!

2 Corint 6:10

We stay sad inside, but same time we erytime stay good inside. We no mo money, but den, us stay make plenny peopo rich inside. Jalike we no mo notting, but we still yet get eryting.

James 1:12

Wen one guy hang in dea, no matta he get presha fo do someting bad, he can stay good inside. He goin get da kine life dat God wen promise to da peopo dat get love an aloha fo him. Dass jalike God give him da prize, cuz he wen fight da bad kine stuff, an win!

Jesus Show 21:3

An I hear one loud voice coming from da throne dat tell, “Now God make house wit da peopo. He goin live wit dem. Dey goin be his peopo, An God goin stay dea wit dem fo real kine, An be dea God.

Jesus Show 7:16

Dey no goin eva come hungry o thirsty one mo time! Dey no goin eva get burn from da real hot sun no moa!