Luke 6:19 - Hawaii Pidgin Bible

¹⁹ Erybody try fo touch him, cuz da powa stay come outa him an make um all come good.

Luke 6:19 Iomraidhean Croise

2 Kings 13:21

One time wen some Israel guys stay burying one guy dat wen mahke, right den an dea dey see some a da steala gang guys, so dey throw da guy body inside Elisha tomb an go way. Wen da body touch Elisha bones, da guy come back alive one mo time, an he stan up on his feets.

Matthew 14:36

Dey beg him fo let da sick guys touch his clotheses. All da guys dat touch his clotheses come good.

Mark 3:10

Jesus make plenny sick peopo come good. Dass why all da odda sick peopo dea, dey go all out fo touch him.

Mark 5:30

Same time, Jesus feel powa go outa him. He turn aroun an look all da peopo. He tell, “Eh, who wen touch my clotheses?”

Mark 6:56

Wea eva Jesus go, in da big an small towns, an da country side, dey take da sick peopo by da open market place. An dey beg him come fo da sick peopo touch his clotheses. An all da peopo dat touch him come good.

Mark 8:22

Jesus dem go Betsaida. Some peopo bring one blind guy, an beg Jesus fo touch him.

Luke 5:17

One a da days Jesus stay teach, had Pharisee guys an teachas dat teach da Rules From God stay sit ova dea. Dey come from ery town inside Galilee an Judea, an from Jerusalem. Jesus get powa from Da One In Charge fo make da sick peopo come good.

Luke 6:18

Dey come ova dea fo lissen him, an fo him make um come good from all kine sick. Da kine wit da bad kine spirits dat bodda dem, Jesus make um all come good.

Jesus Guys 19:12

Dey take handkerchiefs an aprons dat he wen touch, an bring um by da sick peopo, an dey come good. An da bad kine spirits no bodda da peopo no moa.

1 Peter 2:9

But you guys da one God wen pick. You da pries guys fo da King. You guys da peopo dat stay spesho fo God. God tell, “Dey mines!” bout you guys, fo you guys tell erybody all da good stuff God wen do. He tell you guys fo come outa da bad kine stuff an stick wit da good kine stuff he like us fo do. Jalike you wen go outa da dark an come inside da awesome light.