Luke 6:12 - Hawaii Pidgin Bible

¹² Dat time Jesus go up one hill fo pray. He stay dea an pray all nite.

Luke 6:12 Iomraidhean Croise

Songs 22:2

Eh my God! Ery day I stay yell to you fo help me, But you no do notting fo help! Ery nite same ting, Dass why I no shut up!

Isaiah 26:9

All nite, I fo real kine tink bout you. An morning time, I go all out Fo know you fo real kine. Cuz wen you judge peopo an punish dem, Den peopo all ova da world Goin learn fo do wass right.

Daniel 6:10

Wen Daniel find out dat da king sign da paypa fo da rule, he go home inside his house. Da windows fo da top room stay open an face Jerusalem. Three time ery day inside dat room, Daniel go down on top his knees fo tell God “Mahalo plenny!” cuz he do good tings. Wen he pray, he tell God he da bestes, jalike how he do befo time.

Matthew 5:1

Jesus see choke plenny peopo, az why he go litto bit up da mountain. He sit down dea fo teach, an da guys he wen pick fo teach um come by him fo lissen.

Matthew 6:6

But you guys, wen you pray, go inside yoa room an close da door. Den pray to yoa Faddah. He stay inside da room wit you, wea da odda guys no can see, an he goin give you plenny fo dat. Cuz yoa Faddah can see wat da odda guys no can see.

Mark 1:35

Real early morning time, wen start fo get light, Jesus get up an go outa da house. He go one place wea no mo nobody, an pray ova dea.

Mark 3:13

Den Jesus go to da hills. He tell da guys he like pick, “Eh, come!” An dey come.

Luke 5:16

But plenny time Jesus go wea no mo nobody, fo pray ova dea.

Luke 6:11

But da Pharisee guys come real huhu, an start fo make one plan togedda wat dey like do to Jesus.

Luke 6:17

Jesus come down da hill wit his guys, an he stan on top one flat place. Had plenny guys dea dat go wit him an plenny odda peopo from Jerusalem an all ova Judea, an from da coast nea Tyre an Sidon.

Luke 9:18

One time Jesus pray in one place wea no mo nobody, an ony his guys stay dea wit him. He tell um, “So! Who da peopo figga me?”

Luke 9:28

Bout one week layta, Jesus take Peter, John, an James wit him up one mountain fo pray.

Luke 9:29

Wen he stay pray, his face change an he look real diffren. His clotheses come bright jalike da lightning.

John 6:3

Dat time, almos time fo da Jew Passova ceremony. Jesus go sit down on top one hill wit da guys he stay teach.

Colosse 4:2

Eh, pray erytime. Wen you guys pray, tink plenny bout wat you stay tell God, an no go sleep. An erytime you pray, tell God “Mahalo plenny!” fo eryting.

Hebrews 5:7

Wen Jesus stay hea inside da world, he pray real hard, an he cry real loud, cuz he know dat God can take him outa dea fo him no gotta mahke. An God lissen him, cuz Christ all da time show him respeck, an ony do wat God tell um fo do.

1 Samuel 15:11

“I stay sorry dat I wen make Saul come da king, cuz he make deaf ear an he no stay tight wit me no moa, an he no do no mo all da stuff I wen tell him fo do.” Wat Da One In Charge tell, bodda Samuel so plenny dat he pray all nite to Da One In Charge fo help.