Luke 5:36 - Hawaii Pidgin Bible

³⁶ He tell um anodda ting fo teach um. “Fo cova one puka on one ol clothes, you no goin cut one piece from one new clothes, fo put on top da ol clothes. You do dat, you goin jam up da new clothes, an da new piece no goin match da ol clothes.

Luke 5:36 Iomraidhean Croise

Prieses 19:19

“Do wat I tell you you gotta do. “No make diffren kine animals breed wit each odda. “No plant two diffren kine seeds inside yoa field. “No wear da kine clotheses dat somebody weave from two diffren kine string, jalike wool an linen.

Luke 5:35

But you know, bumbye da time goin come wen peopo goin take away dea fren. Den his frenz goin come bum out, an az why dey goin skip food!”

Luke 5:37

An you no goin put grape juice fo make wine inside one ol wineskin. You do dat, wen da grape juice come wine, goin bus da ol wineskin. You goin lose da wine an da skin too. Eryting come poho!

2 Corint 6:16

You guys tink you can go da temple fo pray to God, an same time you guys go in front da idol kine gods fo pray to dem? No way! Cuz da God dat stay alive fo real kine, he stay in charge a us guys, jalike us guys da temple wea he stay inside. God tell inside da Bible, “I goin make house wit my peopo An walk aroun wit dem. I goin be dea God An dey goin be my peopo.”

Rules Secon Time 22:11

No wear clotheses dat get wool an linen togedda inside da same cloth.