Luke 4:8 - Hawaii Pidgin Bible

⁸ Jesus tell him, “No ways! Cuz da Bible tell befo time, “ ‘Gotta go down on yoa knees An show plenny respeck to God Da One In Charge a you, An live an work ony fo him.’ ”

Luke 4:8 Iomraidhean Croise

2 Kings 19:15

Hezekiah pray lidis in front Da One In Charge: “Eh! You Da One In Charge! You da God fo da Israel peopo. You stay in da middo a da awesome angel watcha guys. You da ony God ova all da king guys on top da earth. You da One wen make da sky an da earth.

Songs 83:18

You, yoa name Da One In Charge! I like dose peopos know Dat no mo anodda god jalike you! You da God Dass Mo Importan Den All Da Odda Gods! You stay in charge a da whole world!

Isaiah 2:11

Anybody dat get real high nose, Dey goin come shame. Anybody ack real high makamaka, Dey goin come notting. Dat time, Da One In Charge da ony One Da peopo goin talk good bout.

Matthew 16:23

But Jesus turn aroun an tell Peter, “Eh, get outa my face! You stay talking jalike Satan! You ony stay trying fo jam me up. Cuz you tink jalike da peopo tink, not jalike God tink.”

Matthew 4:10

Jesus tell him, “Beat it awready, Satan! Da Bible befo time tell, “ ‘Gotta go down on yoa knees An show plenny respeck to God, Da One In Charge, An live an work ony fo him.’ ”

Luke 4:4

Jesus tell, “No ways! Cuz da Bible tell, ‘No mo nobody dat can live ony wit bread.’ ”

Luke 4:7

I give you all dis, if you go down on yoa knees an show me plenny respeck.”

Rules Secon Time 10:20

Stay sked a oua God, Da One In Charge, an work fo him. Stay tight wit him, an wen you make one strong promise, use ony his name fo back you up.

Rules Secon Time 6:13

“Stay sked a oua God, dass Da One In Charge a us, an get respeck fo him. Work ony fo him. Wen you make one strong kine promise fo anybody, tell ony God fo punish you if you no do um.

James 4:7

God, he Da One In Charge. So den, let him take ova you. Same time, you gotta stan up agains da Devil, an no do wat he like. Den he goin run away from you.

1 Peter 5:9

No sked stan up agains da Devil an stay solid da way you trus God. You guys know dat yoa braddahs an sistahs all ova da world stay suffa jalike you guys.

Jesus Show 19:10

An I go down by da angel feets fo show him love an respeck. But he tell me, “No do dat! I ony one worka fo God jalike you an yoa braddahs an sistahs dat tell da trut bout Jesus. Show love an respeck fo God! Cuz da trut bout Jesus, dass wat make da guys dat talk fo God know wat fo tell.”

Jesus Show 22:9

But he tell me, “Nah! No do dat! I ony one worka guy jalike you an yoa braddahs dat talk fo God, an erybody dat stick wit wat dis book tell. Mo betta, ony show love an respeck to God!”

1 Samuel 7:3

Samuel tell all da Israel ohana peopo, “If dass fo real you guys goin go back togedda wit Da One In Charge, den throw out da gods from da odda peopos, an da Ashtoret idols. Den, go fo broke fo Da One In Charge, an work ony fo him. Cuz den, he goin get you guys outa da Filisha peopo powa!”